Gjatë datës 19.02.2019 në Bursën Shqiptare të Titujve ALSE nuk u ekzekutua asnjë tregtim.
Gjatë datës 18.02.2019 në Bursën Shqiptare të Titujve ALSE u raportuan këto të dhëna:
- U ekzekutuan 2 transaksione ne 2 tituj;
- Transaksionet u ekzekutuan jashtë orarit zyrtar të Bursës (of-exchange);
- Transaksionet e ekzekutuara ishin në Obligacion Thesari 10 Vjecar;
- U tregtuan gjithsej një numër prej 90 njësi Obligacione Thesari;
- Vlera totale e tregtimit në Obligacion Thesari ishte 9,790,200 LEK;
Për informacion statistikor më të detajuar në lidhje me të dhënat e tregtimit të datës 18.02.2019 klikoni këtu
Nga momenti i emetimit më 17 korrik e deri dje, interesi i obligacionit 5-vjeçar referencë ka rënë në mënyrë të vazhdueshme duke shënuar 3.53%, me një rënie 1.48 pikë përqindje nga mesi i vitit të kaluar.
Prej muajit korrik, në kuadër të nismës së fundit të qeverisë dhe Bankës së Shqipërisë për të zhvilluar tregjet financiare ka filluar të emetohet obligacioni 5-vjeçar referencë, si një projekt pilot. Ky obligacion kuotohet çdo ditë, duke krijuar një normë referencë për interesat e letrave të borxhit qeveritar.
Kuotimi i përditshëm i yield-it të kësaj letre me vlerë nga zhvilluesit e tregut rrit transparencën mbi normat e interesit dhe bën të disponueshme në treg në kohë reale një informacion mbi çmimin e një instrumenti financiar “pa risk”, i cili është i nevojshëm për përcaktimin e normave të interesit të instrumenteve financiare afatgjata
Siç shihet nga të dhënat e Bankës Qendrore, interesi i obligacionit referencë ra me 0.22pp edhe gjatë vitit 2019. Interesi i djeshëm ishte 3.53%, ndërsa në muajin dhjetor ishte 3.75%.
Ndryshe nga letrat e tjera më vlerë të qeverisë, ky obligacion ka spektër më të kufizuar tregtimi, pasi vetëm pesë banka kanë të drejtë ta blejnë atë të në tregun primar e më pas ta shesin në tregun sekondar. Aktualisht lejen e kanë Banka Amerikane e Investimeve, Banka Credins, Banka Intesa Sanpaolo Albania, Banka Kombëtare Tregtare, Banka e Parë e Investimeve, Albania.
Banka Qendrore pret që emetimi i titujve referencë (benchmark) nëpërmjet Zhvilluesve të Tregut, të rrisë konkurrencën në tregun primar, si dhe likuiditetin e titullit nëpërmjet zhvillimit të tregut sekondar për të. Efekti në borxhin e brendshëm pritet të jetë ulje e kostos së tij.
Për sa i përket aksesit të individëve, institucioneve të tjera financiare që nuk janë Zhvillues Tregu apo të çdo të interesuari për të marrë pjesë në investimin në titujt referencë në tregun primar, Banka e Shqipërisë shpjegon se janë të lirë të marrin pjesë nëpërmjet Zhvilluesve të Tregut, njësoj sikundër marrin pjesë për titujt e tjerë nëpërmjet bankave të licencuara nga Autoriteti i Mbikëqyrjes Financiare.
Sot më datë 15.02.2019, me kërkesën e Universitetit Europian të Tiranës u zhvillua takimi i parë në ambjentet e Bursës Shqiptare të Titujve ALSE në kuadër të projektit 500+, ndërmjet Presidentit të UET Prof. Dr. Ardian Civici dhe Drejtorit Ekzekutiv të Bursës ALSE Z. Artan Gjergji.
Gjatë këtij takimi u diskutua mundësia e bashkëpunimit të ardhshëm midis dy institucioneve. Gjithashtu u fol për realizimin e projekteve të përbashkëta në drejtim të edukimit financiar me fokus të vecantë tek tregu i kapitaleve dhe Bursa. Një tjetër temë e diskutuar ishte zhvillimi i konferencave të përbashkëta si dhe praktikave mësimore të studentëve të UET pranë ambjenteve të Bursës ALSE. Z. Civici u shpreh se ishin të gatshëm ta përfshinin Bursën ALSE në axhendën e aktiviteteve të tyre ku u dha ideja e krijimit të aktivitetit me emrin “Java e Bursës në UET”, një risi me institucionet e arsimit të lartë.
Gjatë këtij takimi të parë u vendos që të nënshkruhej së shpejti Marrëveshja e Bashkëpunimit midis Universitetit Europian të Tiranës dhe Bursës Shqiptare të Titujve ALSE.
Gjatë datës 14.02.2019 në Bursën Shqiptare të Titujve ALSE nuk u ekzekutua asnjë tregtim.
Gjatë vitit 2018, në tregun e fondeve të investimeve ushtruan aktivitetin e tyre pesë fonde investimi. Fondi i investimeve “Raiffeisen Prestigj”, fondi i investimeve “Raiffeisen Invest Euro”, fondi i investimeve “Raiffeisen Vizion” të cilat administrohen nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest” dhe fondi “WVP Top Invest” e cila administrohet nga shoqëria “WVP Fund Management Tirana sh.a”.
Sipas analizës së të dhënave për tregun e fondeve të investimeve në 31.12.2018, vlera neto e aseteve të Fondeve, arriti rreth 66.09 miliardë lekë me një ulje prej 6.63 miliardë lekë ose 9.12%, krahasuar me 31.12.2017. E shprehur në euro, totali i aseteve neto është 535 milionë Euro [1].
Ky treg dominohet kryesisht nga investimet në Obligacione Qeveritare, të cilat përbëjnë 61.25% të aseteve të fondeve, me një ulje prej 6.65% krahasuar me 31.12.2017.
Numri i anëtarëve që kanë investuar në Fondet e Investimit më 31.12.2018 është 29,420 me një ulje prej 6.07% krahasuar me 31.12.2017.
Tregues të fondeve të investimeve
| Përshkrimi | Vlera (mln. lekë) | Ndryshimi (Në %) | |
| 31.12.’17 | 31.12.’18 | 31.12.’17-31.12’18 | |
| Asetet neto të FI | 72,717 | 66,087 | (9.12) |
Asetet neto dhe numri i anëtarëve sipas fondeve të investimeve
31.12.2018
| Fond Investimi | Numri i anëtarëve në FI | Asete Neto (mln. lekë) |
| Raiffeisen PRESTIGJ | 23,051 | 47,624 |
| Raiffeisen EURO | 3,505 | 10,309 |
| Raiffeisen VIZION | 2,092 | 6,119 |
| Credins PREMIUM | 724 | 1,957 |
| WVP Top Invest | 48 | 78 |
| TOTAL | 29,420 | 66,087 |
Ndarja e tregut sipas numrit të anëtarëve në fondet e investimeve, 31.12.2018 (në %)
Ndarja e tregut sipas vlerës së aseteve neto të fondeve të investimeve, 31.12.2018 (në %)
Për të lexuar disa nga treguesit kryesorë të ecurisë së Fondeve të Investimeve për periudhën 31.12.2018, kliko këtu.
Numri i llogarive bankare të lidhura me internetin arriti në afro 400 mijë në fund të vitit të kaluar. Statistikat e Bankës së Shqipërisë tregojnë se gjatë vitit të kaluar numri i llogarive në internet banking u rrit me 24%, ndërsa krahasuar me dy vjet më parë ky numër pothuajse është dyfishuar. Vitin e kaluar, u regjistruan për akses nëpërmjet internetit 55 mijë llogari të reja individësh dhe 21 mijë llogari të bizneseve.
Llogaritë e individëve mbizotërojnë, me 83% të numrit total të llogarive të lidhura me këtë shërbim. Tashmë, afro 13% e llogarive në sistemin bankar shqiptar mund të aksesohen përmes internetit, nga pak më se 10% që ishte ky raport në fund të vitit 2017. Bankat po i promovojnë më shumë këto shërbime, duke shtuar edhe kanale të reja, si aplikacionet për aparatet celularë.
Burimi: Banka e Shqipërisë
Depërtimi në rritje i teknologjisë në jetën e përditshme dhe nevoja për të shfrytëzuar sa më mirë kohën po bën që shqiptarët të përqafojnë me ritëm të shpejtë mundësitë që ofron sistemi financiar. Vitin e kaluar, volumi total i pagesave bankare nga shtëpia arriti në 886 miliardë lekë, me një rritje vjetore prej 61%. Numri total i pagesave arriti në 2.9 milionë, nga më pak se 2.3 milionë që kishte qenë në vitin 2017.
Kreditimi i individëve po orientohet gjithnjë e më shumë drejt lekut. Sipas Bankës së Shqipërisë, në dhjetor 2018 kredia në lekë përbënte 62.7% të totalit të kredisë për individë.
Krahasuar me një vit më parë, pesha specifike e kredisë në lekë është rritur me 3.5 pikë përqindje.
Kredia në lekë për segmentin e individëve u rrit me mbi 10% për vitin e kaluar, ndërsa ajo në valutë me më pak se 3%.
Normat e ulëta të interesit të kredisë për individë, si dhe politikat e ndjekura nga bankat prej disa vitesh për kreditimin e individëve në monedhën në të cilën kanë të ardhurat, mendohet se janë faktorët kryesorë që po e mbështesin këtë zhvendosje.
Rritja e kredisë në lekë, të paktën te individët, është një nga rezultatet më të prekshme të politikës monetare lehtësuese të Bankës së Shqipërisë. Arsyeja kryesore që i ka shtyrë individët drejt huamarrjes në valutë në të shkuarën ka qenë çmimi më i lirë i kredisë.
Por, ngushtimi i ndjeshëm i diferencave të interesave ka bërë që individët të mos kenë stimuj domethënës për ta marrë kredinë në një monedhë tjetër nga ajo e të ardhurave.
Në fund të vitit të kaluar, diferenca në interesin mesatar mes kredive në euro dhe atyre në lekë për individët ishte rreth 0.5 pikë përqindje.
Gjatë datës 12.02.2019 në Bursën Shqiptare të Titujve ALSE nuk u ekzekutua asnjë tregtim.
Në raportin më të fundit për vendet kandidate për t`iu bashkuar unionit, Komisioni Europian merr në analizë të gjithë ekonominë shqiptare si dhe sektorët e veçantë.
Kur vjen çështja te politikat monetare, krahu ekzekutiv i Bashkimit Europian e vë theksin te zhvillimet kryesore, si forcimi i Lekut kundrejt Europës me rreth 7% në krahasim me vitin paraardhës, si dhe te politikat monetare ultra-lehtësuese të Bankës Qendrore.
Ndër të tjera, Brukseli sqaron se, Banka Qendrore ka implementuar standardin e Basel III duke e vendosur normën e kapitalit minimal për bankat në 12%. Sa i përket sektorit bankar në tërësi, raporti nënvizon faktin se është i mirëkapitalizuar, me normën minimale të kapitalit në 18.2%, pra bindshëm përtej nivelit të kërkuar nga Banka e Shqipërisë.
Sa i përket kredive, mes rreshtave thuhet se normat e interesit për familjarët kanë vijuar të qëndrojnë pranë nivelit rekord të ulët historik.
Për kreditë në Lekë variojnë në 7% në muaj mesatarisht, 0.3 pikë përqindje poshtë nivelit të vitit paraardhës, thotë Komisioni Europian.
Për biznesin, normat mesatare fiksohen në 6.5%, 0.1 pikë përqindje poshtë nivelit të 2017-ës. Komisioni Europian vë theksin edhe te rënia e kreditimit në të gjithë sektorët, përveç atij të manifakturës.