1 Shkurt, 2019 Lajme nga Tregu

Autoriteti i Mbikëqyrjes Financiare licencoi të enjten shoqërinë “Regjistri Shqiptar i Titujve – ALREG”.

Licencimi i ALREG ishte një hap i domosdoshëm për të mundësuar tregtimin e titujve privatë në Bursë.

Tregtimi në bursë nuk mund të bëhet pa pasur një regjistër ku të mbahen të dhënat e pronësisë mbi titujt dhe të ekzekutohen transaksionet me to. Megjithatë, ALREG do të ketë nevojë edhe për një licencë të dytë, para se të nisë aktivitetin.

Licenca e dhënë të enjten nga AMF i jep të drejtën për regjistrimin e titujve, ndërkohë që ALREG duhet të aplikojë edhe pranë Bankës së Shqipërisë për t’u licencuar si sistem për shlyerjen e pagesave që ekzekutohen në bursë.

Pasi të licencohet edhe nga Banka e Shqipërisë, ALREG do të kryejë të gjithë procesin e klerimit dhe shlyerjes se transaksioneve në tituj të biznesit, duke i mundësuar Bursës Shqiptare të Titujve, ALSE, hapjen e tregut për tregtimin e aksioneve dhe obligacioneve të korporatave.

Sipas drejtuesve të Bursës, hapja e bursës për kompanitë private do të bëhet brenda 6-mujorit të parë të këtij viti.

Megjithatë, aktiviteti i ALREG nuk do të jetë vetëm në funksion të bursës, por do të shërbejë edhe si një regjistër i titujve që tregtohen në rrugë private, përfshi aksionet e shoqërive tregtare apo titujt e borxhit.

Ersuin Shehu/SCAN

31 Janar, 2019 Njoftimet e ALSE

Bursa Shqiptare e Titujve pritet të jetë e gatshme të nisë tregtimin e titujve të kompanive private duke filluar nga muaji maj i këtij viti.

Drejtori i Bursës, Artan Gjergji, thotë se që nga 23 shkurti bursa do të ketë ligjërisht të drejtën për të tregtuar aksione apo obligacione të kompanive private. Megjithatë, tregtimi i titujve privatë do të kërkojë edhe disa muaj kohë, për arsye teknike.

Zoti Gjergji shprehet optimist se qysh këtë vit mund të ketë kompani shqiptare që do të tregtojnë tituj të tyre në Bursë.

Sipas tij, fillimisht tregtimi mund të nisë nga obligacionet, ndërsa tregtimi në Bursë i aksioneve mund të kërkojë ende kohë, kryesisht për shkak të mentalitetit.

Pritshmëritë më të mëdha për sa i takon tregtimit të aksioneve lidhen me kompanitë publike.

Qeveria ka paralajmëruar se një paketë e aksioneve të Operatorit të Shpërndarjes së Energjisë Elektrike do të nxirren në shitje në Bursë.

Zhvillimi i tregut të kapitalit pritet të rrisë aksesin e biznesit në financime dhe, nga ana tjetër, t’i japë publikut shqiptarë më shumë alternativa investimi.

Ersuin Shehu/SCAN

31 Janar, 2019 Njoftimet e ALSE

Gjatë datës 31.01.2019 në Bursën Shqiptare të Titujve ALSE rezultuan këto të dhëna:

  • U ekzekutua 1 transaksion ne 1 titull;
  • Transaksioni u ekzekutua gjatë orarit zyrtar të Bursës (on-exchange);
  • Transaksioni i ekzekutuar ishte në Obligacion Thesari 5 Vjecar;
  • U tregtuan gjithsej një numër prej 260 njësi Obligacione Thesari;
  • Vlera e tregtimit në Obligacion Thesari 5 Vjecar ishte 28,054,000 LEK;

Për informacion statistikor më të detajuar në lidhje me të dhënat e tregtimit të datës 31.01.2019 klikoni këtu

30 Janar, 2019 Lajme nga Emetuesit

Tregu financiar në vend ka shumë para të lirë dhe investitorët po dynden të investojnë në instrumentet e borxhit qeveritar. Në ankandin e obligacioneve pesëvjeçare u paraqitën kërkesa për afro 11 miliardë lekë, kundrejt një shume të shpallur të shpallur për financim prej katër miliardë lekësh.

Një raport i tillë mes kërkesës dhe ofertës bëri që kuponi i obligacioneve pesëvjeçare të bjerë në 4.2%. Ky është niveli më i ulët i regjistruar në historinë e emetimit primar të obligacioneve pesëvjeçare.

Kjo tendencë po reflektohet edhe në normat e tregut sekondar. Prej korrikut 2018, obligacionet 5-vjeçare janë përcaktuar si tituj referencë, në një projekt të përbashkët me pesë banka zhvilluese të tregut.

Titujt referencë gëzojnë likuiditet më të lartë se emetimet e zakonshme, për shkak të detyrimit që kanë zhvilluesit e tregut për të kuotuar çmimet në tregun sekondar, sipas kushteve të përcaktuara në kontratën e lidhur me Ministrinë e Financave dhe Ekonomisë.

Sipas informacionit nga Banka e Shqipërisë, yield-i fiks i tregtimit të obligacioneve pesëvjeçare në tregun sekondar ra në 3.54% të mërkurën. Ky është niveli më i ulët i regjistruar që nga nisja e kuotimeve, në korrik të vitit të kaluar.

Interesat e borxhit qeveritar kanë zbritur në nivele të papritura në fundin e vitit të kaluar dhe gjatë fillimit të këtij viti, praktikisht për të gjitha emetimet. Arsyeja kryesore duket të jetë sasia shumë e lartë e likuiditetit të lirë në treg.

Banka e Shqipërisë ka injektuar sasi të lartë paraje vitin e kaluar, jo vetëm përmes instrumenteve të politikës monetare, por edhe nëpërmjet ndërhyrjeve në kursin e këmbimit, duke blerë euro dhe duke shitur lekë. Por, një ndikim ka dhënë edhe qeveria shqiptare.

Emetimi i eurobondit në tetor të vitit të kaluar u përdor pjesërisht për të zëvendësuar ose rifinancuar borxhin e brendshëm. Kjo la sasi të mëdha paraje në duart e investitorëve dhe sidomos të bankave. Në kushtet e një kreditimi ende të dobët të ekonomisë, gjendja likuide e tregut financiar ka sjellë kërkesë të lartë për të investuar në bono dhe ka ulur normat e interesit.

Ersuin Shehu/SCAN

30 Janar, 2019 Njoftimet e ALSE

Bursa Shqiptare e Titujve ALSE ka ekzekutuar 2 transaksione në sesionin tregtar të datës 29 Janar. Transaksionet e ekzekutuara ishin në 2 tituj,  në Obligacion Thesari 5 vjeçarë dhe Obligacion Thesari 10 vjeçarë, me një volum total tregtimi prej 496 njësi.

Vlera e tregtimit në Obligacion Thesari 5-vjeçar ishte 43.3 milionë lekë, ndërsa në titujt 10-vjeçarë,  arriti në 10.15 milionë.

Sipas të dhënave të tregtimit të Bursës Shqiptare të Titujve ALSE, një nga transaksionet u ekzekutua në orarin zyrtar të bursës, ndërsa tjetri, jashtë orarit zyrtar, në tregun me pakicë (OTC).

Transaksionet e ekzekutuara në oraret zyrtare dominojnë në raport me vlerën e tregut, në 64.3% të totalit. Këto të fundit janë transaksione që kanë një nivel të lartë transparence dhe informacioni mbi to është lehtësisht i aksesueshëm nga investitorët.

Bursa Shqiptare e titujve ALSE ka nisur aktivitetin në Shkurt 2018 dhe pavarësisht se ka pasur kufizim vetëm në titujt e borxhit të Qeverisë për vitin e parë,  volumet dhe vlerat e tregtimit të titujve kanë qenë të kënaqshme.

Gjatë 10 muajve të vitit 2018, vlera e tregtimit arriti në rreth 20.8 milionë euro, me një volum prej rreth 107.000 njësi të tregtuara dhe 127 transaksione të ekzekutuara.

Klevis Llaha/SCAN

30 Janar, 2019 Lajme nga Tregu

“Sektori bankar shqiptar është i mirë-kapitalizuar, likuid dhe me fitueshmëri”-thotë Fondi Monetar Ndërkombëtar në raportin më të fundit për vendin tonë, duke shtuar se, pavarësisht këtyre pikave të forta duhen më shumë përpjekje për të përmirësuar elasticitetin.

“Indikatorët e stabilitetit financiar janë përmirësuar, me normat mesatare të kapitalit dhe aseteve që kanë tejkaluar minimumet e rregullatorëve të vetë bankave”-thuhet më tej mes rreshtave. Likujditeti i sektorit bankar vlerësohet si shumë i lartë, por që vjen edhe si pasojë e dobësisë në kreditim.

FMN nënvizon edhe sfidat e sektorit bankar. Një ndër to është sfidë e re, pasi i referohet largimit të disa bankave europiane nga tregu vendas. Kjo gjë shton sfidat sa i përket supervizimit, thotë institucioni me bazë në Washington. FMN sqaron se, largimi ose plani për t`u larguar i tre bankave europiane nga Shqipëria në 2 vitet e fundit është rrjedhojë e strategjisë së tyre për t`u larguar nga rajoni i Europës jug-lindore dhe Ballkani.

Pronësia e bankave po kalon te vendasit si dhe te grupet jo-europiane, nënvizon institucioni.

FMN fokusohet edhe te bursa shqiptare. Zhvillimi i tregjeve të kapitalit do të forconte ndërmjetësimin financiar dhe mbështeste rritjen ekonomike të vendit.

Tregjet kapitale në Shqipëri po zgjerohen, por janë të limituara vetëm në tituj qeveritarë dhe për tregti të brendshme.

Roel Korkuti/SCAN

29 Janar, 2019 Lajme nga Tregu

Volumi i tregut sekondar të letrave me vlerë të Qeverisë për vitin 2018 u dominua në masën 70.60% nga transaksionet në instrumente afatshkurtër (bono thesari) dhe pjesa tjetër prej 29.40% ishin instrumente afatgjatë (obligacione). Përsa i përket numrit të transaksioneve, 87.80% e të gjitha transaksioneve të tregut sekondar të letrave me vlerë të Qeverisë, i takojnë transaksioneve të kryera në bono thesari. 

Të dhënat statistikore të tregut me pakicë të letrave me vlerë të Qeverisë për vitin 2018 flasin për një dominim të transaksioneve “Blerje në tregun primar” dhe “Shlyerje e vlerës nominale në maturim” përkatësisht me 48.55% dhe 34.56% kundrejt volumit të përgjithshëm.

Pjesëmarrja në tregun sekondar të letrave me vlerë të Qeverisë për vitin 2018, dominohet nga investitorët individualë, të cilët kryejnë 98.85% të të gjitha transaksioneve në këtë treg.

Grafik: Letra me vlerë të Qeverisë për vitin 2018     

*

  1. Blerje në tregun primar
  2. Shitje nga portofoli i ndërmjetësit financiar
  3. Blerje para afatit të maturimit
  4. Vendosje e bonos si kolateral
  5. Shlyerje e vlerës nominale në maturim

Dy grupet e transaksioneve B dhe C

Transaksioni i llojit B “Shitje nga portofoli i ndërmjetësit financiar” gjatë vitit 2018, ka pasur një rritje prej 484 milionë lekë ose 10.32% krahasuar me vitin 2017. Ndërkohë edhe numri i transaksioneve është rritur në masën 0.68%. 

Transaksioni i llojit C “Blerje para afatit të maturimit” gjatë vitit 2018, ka pasur një rritje prej 694 milionë lekë ose 27.00% dhe gjithashtu, një rritje në numrin e transaksioneve në masën 0.10%, krahasuar me vitin 2017.

Vihet re një rritje në vlerë absolute e totalit të transaksioneve të llojit B dhe C të marra së bashku me rreth 1,177 milionë lekë, krahasuar me vitin 2017.

AMF

29 Janar, 2019 Njoftimet e ALSE

Gjatë datës 29.01.2019 në Bursën Shqiptare të Titujve ALSE rezultuan këto të dhëna:

  • U ekzekutuan 2 transaksione ne 2 tituj;
  • Nje transaksion u ekzekutua gjatë orarit zyrtar të Bursës (on-exchange) dhe transaksioni tjetër u ekzekutua jashtë orarit zyrtar të Bursës (on-exchange);
  • Transaksionet e ekzekutuara ishin në Obligacion Thesari 5 Vjecar dhe Obligacion Thesari 10 Vjecar;
  • U tregtuan gjithsej një numër prej 496 njësi Obligacione Thesari;
  • Vlera e tregtimit në Obligacion Thesari 5 Vjecar ishte 43,302,600 LEK dhe në Obligacion Thesari 10 Vjecar ishte 10,150,000 LEK ;

Për informacion statistikor më të detajuar në lidhje me të dhënat e tregtimit të datës 29.01.2019 klikoni këtu

29 Janar, 2019 Intervista

Drejtori Ekzekutiv i Bursës Shqiptare të Titujve Z. Artan Gjergji në një intervistë në Radio Televizionin Shqiptar flet rreth ecurisë së Bursës ALSE për vitin 2018.

Për të ndjekur intervistën e plotë klikoni këtu

25 Janar, 2019 Njoftimet e ALSE

Gjatë ditës së tregtimit të datës 25.01.2019 në Bursën Shqiptare të Titujve ALSE u raportuan këto të dhëna:

  • U raportua 1 transaksion në 1 titull;
  • Transaksioni u ekzekutua në datë 24.01.2019 dhe u raportua ditën e sotme në sistemin ETS të Bursës ALSE;
  • Transaksioni i ekzekutuar ishte në Obligacione Thesari 10 Vjecar;
  • U tregtua një numër prej 457 njësi Obligacione Thesari 10 Vjecar;
  • Vlera totale e tregtimit në Obligacione Thesari ishte 47,953,010 LEK;

Për informacion statistikor më të detajuar në lidhje me të dhënat e tregtimit të datës 25.01.2019 klikoni këtu

Lëvizje te postimet

1 … 85 86 87 88 89 90 91 92 93 94 95 … 115