Category: Lajme nga Tregu

Autoriteti i Mbikëqyrjes Financiare do të organizojë në datën 23 maj 2019 Konferencën e dytë Kombëtare “Edukimi Financiar”. Kjo konferencë synon të nxisë më tej diskutimet për zhvillimin e tregut të sigurimeve, kapitaleve dhe pensioneve private vullnetare duke i lidhur ato edhe me rëndësinë e edukimit të vazhdueshëm financiar, gjithnjë e më të gjerë.

Në konferencë ftohen të marrin pjesë studentë dhe pedagogë nga universitete të ndryshme të vendit për të prezantuar punimet më të mira për tregjet nën mbikëqyrjen e Autoritetit. Sikurse edhe në konferencën e vitit të kaluar edhe sivjet, punimet e konferencës do të përzgjidhen dhe vlerësohen nga komisioni i cili ka përfaqësues nga AMF dhe shoqatat që veprojnë në tregjet financiare jobankare nën mbikëqyrjen e AMF-së.

Abstraktet për punimin që do të prezantohen në konferencë duhet të dërgohen në adresën amf@amf.gov.al deri në datën 29 mars 2019.

Konferenca zhvillohet në kuadër të Strategjisë “Për rritjen e besimit të konsumatorit dhe investitorit në tregjet nën mbikëqyrje”, si një angazhim i Autoritetit për rritjen e edukimit financiar.

Në linkun e mëposhtëm gjeni datat e rëndësishme, tematikat e konferencës dhe modalitete të tjera të aplikimit për pjesëmarrjen në konferencë:

Konferenca Kombëtare “Edukimi Financiar 2019”

Pjesëmarrja në konferencë është e lirë dhe nuk ka tarifë regjistrimi.

Brenda këtij viti, do të hartohen termat e referencës për ngritjen e një sistemi kombëtar të pagesave në euro.

Ndërkohë, ngritja e infrastrukturës përkatëse do të realizohet gjatë vitit 2020. Banka e Shqipërisë e ka përfshirë këtë objektiv në strategjinë e zhvillimit afatmesëm 2019-2021. Shlyerja e transfertave në euro të klientëve të bankave tregtare në territorin shqiptar është një projekt i propozuar nga Shoqata Shqiptare e Bankave dhe i miratuar në parim nga Banka e Shqipërisë qysh vitin e kaluar.

Aktualisht, Shqipëria nuk ka sisteme pagesash në monedha të huaja dhe transfertat në valutë kryhen përmes bankave korrespondente jashtë Shqipërisë. Kjo sjell komisione shumë më të larta krahasuar me transfertat në lekë, të cilat procesohen përmes sistemeve kombëtare të pagesave. Sipas projektit, edhe sistemi i pagesave në euro do të menaxhohet nga banka qendrore. Bankat janë të detyruara të mbajnë një rezervë të detyrueshme në Bankën e Shqipërisë.

Në llogarinë e rezervës së detyrueshme, bankat do të vendosin një tepricë, e cila do të përdoret për kryerjen e transfertave nga njëra bankë te tjetra. Kështu, nëse një klient kryen një transfertë nga banka A në bankën B, të dyja brenda Shqipërisë, atëherë kalimi i fondeve do të bëhet ndërmjet llogarive që secila bankë mban në Bankën Qendrore. Më pas, banka pritëse do të transferojë këto para nga llogaria e saj e rezervës e detyrueshme te llogaria e përfituesit.

Kjo skemë do të evitojë përfshirjen e bankave të huaja korrespondente dhe do të ulë në mënyrë drastike koston e transfertës.

Ersuin Shehu/SCAN

Interesi i bonove 12 mujore preku një minimum të ri historik këtë javë. Sipas informacionit nga Banka e Shqipërisë, interesi mesatar i ponderuar zbriti në 1.16%, niveli më i ulët i regjistruar ndonjëherë. Kërkesa e investitorëve edhe në ankandet e të martës ishte e lartë, me 10.7 miliardë lekë për një shumë të shpallur në ankand prej 9 miliardë lekësh. Që nga gjysma e dytë e vitit të kaluar, ulja e interesave ka prekur letrat e borxhit të e qeverisë për të gjitha maturitetet. Obligacionet dyvjeçare qëndruan sërish të premten poshtë kufirit të 2%.

Kjo gjendje lidhet me likuiditetin e lartë në treg dhe kërkesën më të ulët të qeverisë për para në tregun e brendshëm. Në tetor, qeveria shqiptare emetoi eurobonde për një vlerë prej 500 milionë eurosh dhe një pjesë e kësaj shume ka shërbyer për të zëvendësuar huamarrjen e brendshme.  Banka e Shqipërisë ka injektuar sasi të mëdha leku në treg, përmes marrëveshjeve të riblerjes dhe përmes blerjes masive të valutës. Gjithashtu, disa banka kanë konvertuar kapitalin në lekë, duke krijuar më shumë fonde të lira në monedhën vendase.

Në mungesë të alternativave të tjera, këto fonde po tentohen të investohen sërish në bono dhe obligacione, duke ndikuar kështu në uljen e normave të interesit. Gjendja likuide e tregut po ndihmon në ruajtjen e çmimit të ulët të parasë, në përputhje me sinjalet e përcjella nga politika monetare. Megjithëse pritet që stimuli monetar në ekonomi të fillojë të reduktohet gradualisht, duket se tregu financiar ende nuk po ndikohet nga pritshmëritë për rritje të interesave.

Ersuin Shehu/SCAN

Ekonomia shqiptare po e ndryshon gradualisht strukturën e saj, teksa të vegjlit po bien dhe të mëdhenjtë po fuqizohen. Normat e fitimit po bien në një tregues të shtimit të konkurrencës, maturimit të shumë sektorëve dhe ngërçit të konsumit. Ekonomia gjeneron pjesën më të madhe të të ardhurave të saj nga tregtia dhe ka pak sinjale se ajo po orientohet drejt sektorëve me vlerë të shtuar. Rënia e të vegjëlve po rrezikon një segment që ka pasur rreth 30% të të punësuarve në ekonomi. Po mbyllen dhe bizneset e preferuara të shqiptarëve, bar-kafenetë.
shikoni më shumë…

Tregu financiar në vend ngelet mjaft likuid në muajt e parë të vitit dhe kjo përkthehet në kërkesë të lartë për të investuar në letrat me vlerë të qeverisë. Në ankandin e obligacioneve trevjeçare që u zhvillua të hënën, kërkesat e paraqitura arritën vlerën e 10.4 miliardë lekëve, kundrejt 4.6 miliardë lekë që ishte shuma e shpallur për financim.

Kuponi i obligacioneve rrejdhimisht rezultoi i ulët, në nivelin 2.3%. Ankandet e obligacioneve trevjeçare kanë një frekuencë më të rrallë, megjithatë, në ankandin e fundit, të organizuar në prill të vitit të kaluar, kuponi kishte qenë 3.4%.

Tendenca e uljes së interesave është e dukshme për të gjitha maturitetet e titujve të qeverisë. Bonot 12 mujore i janë afruar nivelit të 1.2%, ndërsa obligacionet dy vjeçare kanë zbritur afër nivelit 1.9%.

Zbritja e interesave në këto nivele lidhet së pari me uljen e huamarrjes së brendshme nga qeveria. Vitin e kaluar, i gjithë deficiti buxhetor u financua në tregun e jashtëm, kryesisht përmes eurobondit të emetuar në muajin tetor.

Këto para u përdorën pjesërisht edhe për të rifinancuar borxhin e brendshëm, çka çliroi më shumë likuiditete të lira për investitorët dhe sidomos për bankat. Fakti që kredia për sektorin privat është ende e ngadaltë kontribuon gjithashtu në këtë drejtim. Në mungesë të alternativave të tjera, fondet e lira po tentohen të investohen sërish në bono dhe obligacione, duke ndikuar kështu në uljen e normave të interesit.

Kjo situatë po ndihmon në ruajtjen e çmimit të ulët të parasë në ekonomi, në përputhje me sinjalet e përcjella nga politika monetare. Megjithëse supozohet që stimuli monetar në ekonomi të fillojë të reduktohet gradualisht, me rritjen e inflacionit dhe ngushtimin e hendekut të prodhimit, duket se tregu financiar ende nuk po ndikohet nga pritshmëritë për rritje të interesave.

Ersuin Shehu/SCAN

Gjatë vitit 2018, në tregun e pensioneve private vullnetare ushtruan aktivitetin e tyre tre fonde pensioni. Analiza e të dhënave për tregun e pensioneve private vullnetare më 31.12.2018 tregon një total asetesh neto prej 2,289.10 milionë lekë (18.54 milionë euro^[1]) dhe me një rritje prej 561.56 milionë lekë (32.51%) krahasuar me 31.12.2017. Numri i anëtarëve në fondet e pensioneve, më 31.12.2018 ishte 25,298 anëtarë duke shënuar rritje prej 20.77% krahasuar me 31.12.2017.

Tregues të fondeve të pensioneve                                                                                                                                                                                                                                                              

Përshkrimi	Vlera (mln. lekë)		Ndryshimi (Në %)
	31.12.’17	31.12.’18	31.12.’17-31.12’18
Asetet neto të FP	1,727.54	2,289.10	32.51

Asetet neto dhe numri i anëtarëve sipas fondeve të pensioneve                                                                                                                                                                                        31.12.2018

Fond Pensioni	Numri i  anëtarëve në FP	Asete Neto (mln. lekë)
SIGAL	7,067	1,085.65
RAIFFEISEN	2,911	622.86
CREDINS PENSION	15,320	580.59
TOTAL	25,298	2,289.10

Ndarja e tregut sipas numrit të anëtarëve në fondet e pensioneve,                      31.12.2018   

(Në %)

Ndarja e tregut sipas vlerës së aseteve neto të fondeve të pensioneve,                 31.12.2018 

(Në %) 
            

 

Për të lexuar materialin e plotë të Tregut të Pensioneve Private Vullnetare, 31.12.2018 (në versionin EXCEL), ju lutem klikoni këtu.

Gjatë vitit 2018, në tregun e fondeve të investimeve ushtruan aktivitetin e tyre pesë fonde investimi. Fondi i investimeve “Raiffeisen Prestigj”, fondi i investimeve “Raiffeisen Invest Euro”, fondi i investimeve “Raiffeisen Vizion” të cilat administrohen nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest” dhe fondi “WVP Top Invest” e cila administrohet nga shoqëria “WVP Fund Management Tirana sh.a”. 

Sipas analizës së të dhënave për tregun e fondeve të investimeve në 31.12.2018, vlera neto e aseteve të Fondeve, arriti rreth 66.09 miliardë lekë me një ulje prej 6.63 miliardë lekë ose 9.12%, krahasuar me 31.12.2017. E shprehur në euro, totali i aseteve neto është 535 milionë Euro ^[1].

Ky treg dominohet kryesisht nga investimet në Obligacione Qeveritare, të cilat përbëjnë 61.25% të aseteve të fondeve, me një ulje prej 6.65% krahasuar me 31.12.2017.
Numri i anëtarëve që kanë investuar në Fondet e Investimit më 31.12.2018 është 29,420 me një ulje prej 6.07% krahasuar me 31.12.2017.

Tregues të fondeve të investimeve                                                                                                                                                                                                                                                 

Përshkrimi	Vlera (mln. lekë)		Ndryshimi (Në %)
	31.12.’17	31.12.’18	31.12.’17-31.12’18
Asetet neto të FI	72,717	66,087	(9.12)

Asetet neto dhe numri i anëtarëve sipas fondeve të investimeve                                                                                                                                                                                         

31.12.2018

Fond Investimi	Numri i anëtarëve në FI	Asete Neto (mln. lekë)
Raiffeisen PRESTIGJ	23,051	47,624
Raiffeisen EURO	3,505	10,309
Raiffeisen VIZION	2,092	6,119
Credins PREMIUM	724	1,957
WVP Top Invest	48	78
TOTAL	29,420	66,087

Ndarja e tregut sipas numrit të anëtarëve në fondet e investimeve,                31.12.2018 (në %)  

Ndarja e tregut sipas vlerës së aseteve neto të fondeve të investimeve,            31.12.2018 (në %)

Për të lexuar disa nga treguesit kryesorë të ecurisë së Fondeve të Investimeve për periudhën 31.12.2018, kliko këtu.

Autoriteti Mbikëqyrjes Financiare

Numri i llogarive bankare të lidhura me internetin arriti në afro 400 mijë në fund të vitit të kaluar. Statistikat e Bankës së Shqipërisë tregojnë se gjatë vitit të kaluar numri i llogarive në internet banking u rrit me 24%, ndërsa krahasuar me dy vjet më parë ky numër pothuajse është dyfishuar. Vitin e kaluar, u regjistruan për akses nëpërmjet internetit 55 mijë llogari të reja individësh dhe 21 mijë llogari të bizneseve.

Llogaritë e individëve mbizotërojnë, me 83% të numrit total të llogarive të lidhura me këtë shërbim. Tashmë, afro 13% e llogarive në sistemin bankar shqiptar mund të aksesohen përmes internetit, nga pak më se 10% që ishte ky raport në fund të vitit 2017. Bankat po i  promovojnë më shumë këto shërbime, duke shtuar edhe kanale të reja, si aplikacionet për aparatet celularë.

Burimi: Banka e Shqipërisë

Depërtimi në rritje i teknologjisë në jetën e përditshme dhe nevoja për të shfrytëzuar sa më mirë kohën po bën që shqiptarët të përqafojnë me ritëm të shpejtë mundësitë që ofron sistemi financiar. Vitin e kaluar, volumi total i pagesave bankare nga shtëpia arriti në 886 miliardë lekë, me një rritje vjetore prej 61%. Numri total i pagesave arriti në 2.9 milionë, nga më pak se 2.3 milionë që kishte qenë në vitin 2017.

Ersuin Shehu/SCAN