Banka franceze “Societe Generale” deklaron se ka arritur marrëveshje për të shitur degën e saj në Serbi te banka hungareze OTP. “Societe nuk zbuloi vlerën e transaksionit megjithatë është shprehur se shitja do të ketë një impakt negativ prej 108 milionë euro në fitimet e tremujorit të katërt” shkruan Reuters.
Në gusht, banka franceze arriti marrëveshjet për të shitur filialet e saj në Bullgari dhe në Shqipëri te kompania OTP.
Artikulli origjinal ketu
SCAN
Qendra Kombëtare e Biznesit bëri me dije së fundmi se ka realizuar projektin që synonte përmirësimin dhe modernizimin e sistemit elektronik të saj për depozitimin e pasqyrave financiare dhe publikimin e këtij informacioni nga bizneset. Projekti do të nisë zbatimin nga viti i ardhshëm financiar dhe synon të sjellë përmirësime në disa aspekte.
Së pari rritjen e mëtejshme të transparencës për veprimtarinë ekonomike dhe financiare të njësive ekonomike të regjistruara në regjistrin tregtar. Së dyti përpunimin dhe gjenerimin e raporteve për të dhënat e pasqyrave fianciare. Së treti implementimin e formatit të ri (sistem) për dorëzimin e pasqyrave financiare në QKB, nëpërmjet portalit qeveritar e-Albanian.
Së katërti formën e komunikimit elektronik që do të jetë në formatin (XML). Së pesti përcaktimin qartësisht të dokumenteve që duhet të hartohen nga njësitë ekonomike, në varësi të klasifikimit të tyre, gjatë procesit të raportimit financiar. Së gjashti detyrimin për ruajtjen e pasqyrave financiare të publikuara në regjistrin tregtar për të paktën 10 vite, në perputhje me Direktivën e BE.
Bizneset në vend sipas kuadrit ligjor janë të detyruar të depozitojnë pranë QKR pasqyrat e tyre financiare të vitit paraardhës brenda datës 31 korrik. Për bizneset që nuk respektojnë këtë afat ligji parashikon masa administrative si gjoba por duket se vlera e tyre nuk është mjaftueshëm motivuese për të nxitur publikimin e pasqyrave financiare nga bizneset. Një pjesë e tyre preferojnë të mos i publikojnë ato në QKR.
Projekti i njoftuar nga Qendra Kombëtare e Biznesit synon pikërisht zgjerimin e gamës së detajeve që dorëzohen pranë saj në funksion të transparencës si dhe përcaktimin më të mirë të dokumenteve që duhet të depozitojë çdo biznes sipas kategorisë ku klasifikohet. Ky projekt u realizua me Mbështetjen e Bankës Botërore ndërkohë që në aspektin financiar ka pasur mbështetjen e qeverisë zvicerane përmes SECO.
Banka e Shqipërisë ka gati projektligjin “Për shërbimet e pagesave”, i cili pritet të sjellë zhvillime pozitive në drejtim të reduktimit të kostove për dërgimin e parave nga emigrantët shqiptarë, mbrojtjen e konsumatorit dhe zgjerimin e ofrimit të shërbimit nga bankat edhe në zonat rurale”. Detajet u prezantuan nga guvernatori i Bankës së Shqipërisë, Gent Sejko gjatë një takimi të zhvilluar në kuadër të Memorandumit të Mirëkuptimit “Për remitancat”, të nënshkruar vitin e kaluar me Ministrinë e Ekonomisë dhe Financave dhe Ministrinë e Shtetit për Diasporën.
Ola Mitre/SCAN
Fjala e plotë e Guvernatorit Sejko:
Është një kënaqësi e veçantë të hap takimin e sotëm, i cili vjen pas një viti intensiv bashkërendimi përpjekjesh midis institucioneve tona, me qëllim arritjen e objektivave të përbashkëta mbi remitancat, por dhe më gjerë, me Diasporën. Sot, një vit nga nënshkrimi i Marrëveshjes së Mirëkuptimit, kam kënaqësinë të përmend se materializimi i këtyre përpjekjeve është reflektuar në ndërmarrjen e një sërë angazhimesh dhe projektesh në zbatim të objektivave të synuar, të cilat do të prezantohen në vijim.
Rëndësia e remitancave në ekonominë shqiptare, në mirëqenien e familjeve dhe përgjithësisht në zhvillim, është theksuar në shumë komunikime të Bankës së Shqipërisë. Në këtë kuadër, gjatë vitit 2018, Banka e Shqipërisë ka angazhuar burimet e saj në zhvillime, të cilat synojnë krijimin e parakushteve të nevojshme për kanalizimin sa më efikas të këtyre të ardhurave në ekonominë shqiptare.
Duke iu referuar nismave ndërkombëtare në fushën e remitancave, evidentohet rëndësia e reduktimit të kostove dhe rritja e efikasitetit të shërbimeve për dërgesat, duke nënkuptuar nevojën për ndërhyrje në tregun e pagesave me vlerë të vogël, si në vendet dërguese të remitancave, ashtu dhe në ato pritëse.
Për këtë qëllim, Banka e Shqipërisë, sikurse kemi theksuar edhe në fillesat e këtij bashkëpunimi, është angazhuar në një sërë projektesh, të cilat synonin analizimin e tregut vendas me qëllim identifikimin dhe adresimin e nevojave për ndërhyrje. Projektet në fjalë janë asistuar nga Banka Botërore dhe financuar nga SECO, dhe këtu përfitoj nga rasti t’i falënderoj edhe një herë këto institucione për kontributin dhe mbështetjen e tyre.
Gjithashtu, Banka e Shqipërisë dhe Komiteti Kombëtar i Sistemeve të Pagesave kanë miratuar dhe vënë në zbatim tashmë strategjinë kombëtare për tregun e pagesave me vlerë të vogël. Strategjia në fjalë synon krijimin e një tregu bashkëkohor e gjithëpërfshirës të pagesave me vlerë të vogël, të mbështetur nga infrastruktura të sigurta dhe efikase, si dhe nga një gamë e gjerë instrumentesh dhe shërbimesh të pagesave, që përmbushin nevojat e përdoruesve të aftë financiarisht për të kryer pagesa në të gjithë vendin. Duke shtuar në objektivat e Bankës së Shqipërisë edhe përfshirjen financiare, kjo strategji ka përcaktuar objektiva sasiorë mjaft ambiciozë duke synuar kështu dyfishimin e popullsisë që zotëron një llogari bankare (nga 38% në vitin 2014, në 70% në vitin 2022) dhe rritjen e numrit të pagesave elektronike për frymë (nga 4.3 në vitin 2016, në 10 në vitin 2022).
Por, për arritjen e këtyre objektivave vjen natyrshëm edhe nevoja për një plan veprimi konkret e të detajuar, i cili kërkon mbështetjen e të gjithë aktorëve të përfshirë në tregun e pagesave, si dhe ndërhyrje në shumë aspekte, ku mund të përmend:
Pavarësisht faktit që strategjia është miratuar rishtazi në muajin qershor, hapa konkretë janë arritur në këtë drejtim ku mund të përmend hartimin e projektligjit “Për shërbimet e pagesave në Republikën e Shqipërisë”, i cili transpozon direktivën e rishikuar të Bashkimit Evropian “Për shërbimet e pagesave” (PSD2). Miratimi dhe zbatimi i këtij projektligji vlerësohet të ketë një ndikim të drejtpërdrejtë në nxitjen e konkurrencës dhe inovacionit në fushën e pagesave me vlerë të vogël, duke promovuar kështu efikasitetin dhe reduktimin e kostove që mbart përdorimi i tyre. Për më shumë, projektligji vlerësohet të rrisë transparencën në shërbimet e ofruara nga tregu dhe në krijimin e një kuadri të konsoliduar për mbrojtjen e konsumatorit, një përbërës ky mjaft i rëndësishëm për tregun tonë. Së fundi, por jo më pak e rëndësishme, projektligji synon edhe zgjerimin e ofrimit të shërbimeve nga bankat në të gjithë territorin (përfshirë dhe zonat rurale).
Përtej përmirësimeve ligjore, hapa të rëndësishëm janë shënuar edhe në kuadër të edukimit financiar. Këtu dëshiroj të theksoj nismën e ndërmarrë në bashkëpunim me Bankën Botërore dhe të financuar nga SECO, për zbatimin e projektit Greenback 2 në qytetin e Beratit. Projekti konsiston në rritjen e përfshirjes dhe edukimit financiar të emigrantëve dhe familjeve të tyre, si dhe përdorimin e kanaleve sa më efikase në terma të kostove për dërgimin e fondeve.
Gjithashtu, me qëllim zgjerimin e njohurive të tregut në lidhje me remitancat, në muajin qershor, Banka e Shqipërisë ka publikuar botimin me titull “Remitancat: Një mbështetje për zhvillim”. Ky publikim, i gjithi i dedikuar remitancave, ofron një përqasje gjithëpërfshirëse të aspekteve të ndryshme të dërgesave në tregun vendas, ku mund të përmendim analizimin në nivel makro të remitancave dhe ndikimin e tyre në zhvillim, impaktin e këtyre dërgesave tek familjet, analizimin e infrastrukturës së tregut të remitancave në Shqipëri dhe nevojat për ndërhyrje, si dhe ofrimin e statistikave në lidhje me remitancat.
Një hap i rëndësishëm në kuadër të edukimit financiar është ndërmarrë edhe nga Shoqata Shqiptare e Bankave, e cila në muajin qershor ka nënshkruar me 8 organizata partnere, një memorandum bashkëpunimi për krijimin e Rrjetit Shqiptar për Edukimin Financiar dhe rritjen e bashkëpunimit e koordinimit ndërinstitucional në fushën e edukimit financiar.
Megjithatë, pavarësisht zhvillimeve që përmenda më parë, mbetet ende shumë për t’u bërë, dhe në këtë kuadër ftoj të gjithë të vijojmë përpjekjet me të njëjtin intensitet të treguar deri më tani për të modernizuar tregun vendas të pagesave.
Në periudhën afatmesme, Banka e Shqipërisë do të fokusojë përpjekjet në një sërë nismash, ku si më të rëndësishmet do të theksoja zhvillimet e mëtejshme ligjore dhe përmirësimet infrastrukturore.
Një hap i rëndësishëm në periudhën afatmesme konsiderohet hartimi i projektligjit “Për llogarinë e pagesave”. Projektligji në fjalë do të transpozojë Direktivën e Bashkimit Evropian “Për llogarinë e pagesave” dhe do të nxisë transparencën, duke krijuar një regjistër publik për të gjitha komisionet e aplikuara nga institucionet dhe në një mënyrë lehtësisht të krahasueshme.
Njëkohësisht, gjatë kësaj periudhe, Banka e Shqipërisë do të angazhohet në një sërë zhvillimesh infrastrukturore, të cilat mbështesin përfshirjen financiare, reduktojnë kostot e përdorimit të këtyre instrumenteve dhe vlerësohet të kenë ndikim edhe në tregun e remitancave, kryesisht nga pikëpamja e marrësve të dërgesave dhe përdorimit të tyre. Këtu mund të përmendim krijimin e një platforme kombëtare për procesimin e pagesave në kohë reale (instant payment dhe për procesimin e pagesave me kartë). Këto platforma krijojnë kushtet për zhvillimin e shërbimeve inovative dhe me kosto të ulëta, si dhe synojnë segmente të tregut, të cilat krijojnë volume të bollshme, duke targetuar pagesat e institucioneve shtetërore dhe pagesat që qytetari shqiptar i kryen në përditshmërinë e tij.
Së fundi, por jo më pak e rëndësishme, dëshiroj të falënderoj qeverinë shqiptare për rëndësinë e dhënë dhe mbështetjen e vazhdueshme, veçanërisht ministritë e saj, si Ministria e Diasporës dhe Ministria e Financave dhe Ekonomisë, me të cilat Banka e Shqipërisë ka pasur një bashkëpunim të frytshëm deri tani, duke shprehur besimin se do të vijojmë me të njëjtat ritme përpjekjet e përbashkëta për përfshirjen sa më të shpejtë e të gjerë në ekonominë e vendit, të këtij faktori mjaft të rëndësishëm.
Ekonomia e Shqipërisë ka prirje rritëse, por në të njëjtën kohë mbetet ende shumë për të bërë që ajo të jetë më e qëndrueshme, gjithëpërfshirëse dhe sidomos amortizuese për emigracionin, tha sot përfaqësuesi i misionit të FMN-së në vendin tonë në një konferencë të përbashkët për median bashkë me Ministrin e Financave. Ai tha se qeveria shqiptare duhet të zbatojë reforma strukturorë në mënyrë që të dekurajojë emigracionin e lartë. Reforma të tilla ai renditi, përmirësimin e klimës së biznesit, reformat në shtetin ligjor dhe luftën ndaj korrupsionit.
“Parashikojmë rritje ekonomike 4% këtë vit dhe 3.7% vitin e ardhshëm. Ndërsa në periudhë afatmesme shkalla e rritjes do të jetë 4% e mbështetur nga rritja e eksporteve dhe investimeve në infrastrukturë dhe turizmit” tha përfaqësuesi i Misionit të FMN-së.
Ai tha se rreziqet ndaj ekonomisë shqiptare vlerësohen në rënie. Shqipëria është ekspozuar nga rreziqet me vendet partnere në Europë, dobësitë e të cilave do të ndikonin negativisht në investimet e huaja, të ardhurat nga emigrantet dhe eksportet.
Ndërsa në rrafshin fiskal FMN sugjeroi se konsolidimi fiskal duhet përshpejtuar. “Nevojitet ulja e deficitit fiskal. Ne projektojmë se në mungesë të masave fiskale shtesë deficiti fiskal do të jetë jo më pak se 2% e PBB-së. Reduktimi i borxhit publik do të jetë më i ngadaltë se pritjet tona” tha eksperti i Fondit.
Për të arritur 60 % të PBB-së, siç pretendojnë autoritet shqiptare, deri më 2021 duhen korrigjime të mëtejshme fiskale, sugjeroi eksperti i huaj, i cili la të kuptojë se nëse të ardhurat nuk rriten e shumë se ritmet aktuale dhe në rast se nuk ka rritje taksash ky objektiv që qeveria shqiptare i ka vënë vetes vështirë të realizohet.
Ai tha se, duke pasur parasysh mungesën e hapësirave fiskale autoritet duhet të anulojnë përjashtimet fiskale dhe të mos aplikojnë të reja.
Eksperti FMN tha se, rritja e shpejtë e PPP-ve kërkon përmirësime shtesë në të gjitha nivelet e qeverisjes, ndërsa kërkoi që rritja e detyrimeve të prapambetura duhet të trajtohet pa vonesë.
Reformat e planifikuara për ta bërë sektorin energjetik më të qëndrueshëm nga ana financiare duhet të vijojnë shtoi ai më tej.
FMN vlerësoi se, politika monetare u zbeh nga mungesa e politikave strukturore. Ulja e këtyre pengesave do të ndihmonte kreditimin. “Autoritet monetare kanë ndërhyrë në kursin e këmbimit, por ne i nxisim ato që më kohë këto ndërhyrje të zbehen”.
“Bankat nga vendet jo BE po rriten, ndaj Banka e Shqipërisë duhet të forcojë më tej rregulloret e mbikëqyrjes pasi ka ende disa elementë shqetësues. Kreditë më probleme duhet të ulen me tej dhe strategjia e deurozimit duhet të zbatohet” tha eksperti i FMN-së.
Ministri i Financave Arben Ahmetaj tha se qeveria shqiptare vitin tjetër parashikon rritje ekonomike më të lartë se FMN në nivelin 4.3 %, ose 0.6% më shumë se Fondi.
Ai tha se Investimet e huaja direkte do të jenë më shumë se 1 miliardë euro këtë vit, duke kaluar edhe pritjet fillestare.
Ministria rritja ekonomike dhe punësimi do të mbështeten nga një nivel i lartë të investimeve publike në 5% të PBB-së.
Deficiti buxhetor parashikohet 1.9 e PBB-së më 2019, ndërsa për të katërtin vit radhazi bilanci primar do të jetë pozitiv.
Borxhi publik pritet të bjerë në 64.9 % të PBB-së më 2019 nga 66.9 që është aktualisht.
Ministri tha se vitin që vjen detyrimet e prapambetura do të jenë të papërfillshme.
Skema e investimeve me partneritet Publik Privat pa HEC-et nuk është më shumë se 8% e PBB-së dhe nuk do të kalojnë nivelin 5 % për qind te të ardhurave buxhetore vjetore.
Misioni i Fondit Monetar Ndërkombëtar në Shqipëri edhe këtë herë foli me tone të buta për investimet në programin e partneritetit publik-privat. Shefi i misionit, Jan Kees Martijn, tha se PPP-të janë një instrument legjitim që qeveria mund ta përdorë dhe që ofron mundësi shtesë, por nënvizoi se shtimi i këtyre kontratave rrit rreziqet fiskale. Megjithatë, misioni i FMN-së kërkoi një ulje më të shpejtë të borxhit publik krahasuar me parashikimet e qeverisë në buxhetin e vitit të ardhshëm. Gjithashtu, FMN u shpreh edhe njëherë kundër përjashtimeve të reja nga tatimet, madje kërkoi edhe anulimin e përjashtimeve të miratuara më parë, sidomos në sektorin e turizmit.
Ministri i Financave, Arben Ahmetaj, mbrojti edhe njëherë programin e PPP-ve, duke u shprehur se qeveria po vepron me transparencë të plotë. Ai pranoi nga ana tjetër ekzistencën e shumave të mëdha të detyrimeve të prapambetura, por premtoi shlyerjen e tyre brenda vitit të ardhshëm.
Guvernatori i Bankës së Shqipërisë, Gent Sejko, tha se bazat e zhvillimit të vendit janë solide, megjithatë theksoi nevojën e vazhdimit të reformave, për të garantuar një rritje të qëndrueshme afatgjatë.
Qeveria shqiptare parashikon një rritje ekonomike prej 4.3% për vitin e ardhshëm, ndërsa FMN ndalet në një projeksion prej 3.7%. Objektivi i qeverisë është një ulje e borxhit publik në 65.5% për vitin e ardhshëm. Por, nga ana tjetër, detyrimet e prapambetura në masën 1.5% të Prodhimit Kombëtar dhe shtimi i kontratave të PPP-ve shtojnë pikëpyetjet për kursin e konsolidimit fiskal.
Në mbyllje të misionit të Fondit Monetar Ndërkombëtar në Shqipëri, përfaqësuesi i tij, Jean Kees Martijn , ka disa këshilla për qeverinë shqiptare për të nxitur rritjen ekonomike të vendit. Ndërsa shtoi se ka ndjekur një trend rritës në vitet e fundit, udhëheqësi i misionit tha se mbetet ende shumë për të bërë në mënyrë që ajo të mbetet e qëndrueshme.
Ndërsa është ndalur te prioritet e autoriteteve shqiptare, sipas tij ata duhet të përfshijnë :
Ndëkrohë, shtoi më tej se nevojiten përpjekje të vendosura për ta përmirësuar klimën e biznesit që të nxitet një rritje më e shpejtë dhe më gjithëpërfshirëse si dhe integrim më i fortë rajon në mënyrë që të dobësohen shtysat për të emigruar. Në këtë kuadër prioritetet sipas tij përfshijnë:
Ndërsa sa i takon borxhit publik, ai u shpreh:
“Në mungesë të masave shtesë do të jetë niveli i deficitit pranë 2% e PBB-së në 2018. Kjo do të rezultojë në trajektore rënëse të borxhit publik. Ndonëse me një reduktim më të ngadaltë nga se do të rekomandonim ne, presim një rënie të borxhit publik në 62.3% të PBB brenda vitit 2021. Për të arritur nivelin në 60% brenda 2021. Mendojmë se në këtë kuadër nevojiten korrigjime të tjera fiskale.”
SCAN MAGAZINE
Revista MONITOR
Fondet e investimeve që gjatë vitit 2017 ruajtën një rritje konstante e nxitur edhe nga normat më të favorshme të interesit sesa sistemi bankar ku politika monetare uli në minimum interesat e depozitave, nuk po shfaqin të njëjtën tendencë edhe në 2018. Të dhënat zyrtare të Autoritetit të Mbikëqyrjes Financiare tregojnë për një rënie të numrit të anëtarëve që kanë investuar në këto fonde deri në shtator 2018 në krahasim me fundin e 2017-ës. Ndërkohë që rënie ka edhe në vlerën neto të investimit me të paktën 9.74 për qind. E gjithë kjo ndodh në kushtet kur alternativat e investimit jo në aspektin e instrumentit por në numrin e fondeve të disponueshëm në treg janë më të mëdha se një vit më parë me të paktën dy opsione më shumë.
“Gjatë periudhës 30.09.2018, në tregun e fondeve të investimeve ushtruan aktivitetin e tyre pesë fonde investimi, përkatësisht fondi i investimeve “Raiffeisen Prestigj”, fondi i investimeve “Raiffeisen Invest Euro” fondi i investimeve “Raiffeisen Vizion” të cilat administrohen nga shoqëria “Raiffeisen Invest”.
Fondi i investimeve “Credins Premium” nën administrimin e shoqërisë administruese “Credins Invest” dhe fondi “WVP Top Invest” e cila administrohet nga shoqëria “WVP Fund Management Tirana sh.a”.
“Raiffeisen Vizion” sh.a. u licensua nga Autoriteti i Mbikëqyrjes Financiare me vendim nr. 143, datë 30.07.2018, për të kryer veprimtarinë e administrimit të aseteve të sipërmarrjeve të investimeve kolektive.
Fondi i investimeve “Raiffesien Vizion” filloi aktivitetin e tij të vlerësimit në datë 02.09.2018.
Sipas analizës së të dhënave për tregun e fondeve të investimeve në 30.09.2018, vlera neto e aseteve të Fondeve, arriti rreth 65.64 miliardë lekë me një ulje prej 7.08 miliardë lekë ose 9.74%, krahasuar me 31.12.2017. E shprehur në euro, totali i aseteve neto është 520 milionë Euro [1].
Ky treg dominohet kryesisht nga investimet në Obligacione Qeveritare, të cilat përbëjnë 63.14% të aseteve të fondeve, me një ulje prej 7.02% krahasuar me 31.12.2017.
Numri i anëtarëve që kanë investuar në Fondet e Investimit më 30.09.2018 është 28,979 me një ulje prej 7.47% krahasuar me 31.12.2017” vlerëson AMF.
Marrëveshja shkon për aprovim te Autoriteti i Konkurrencës dhe në Bankën e Shqipërisë
Në vazhdën e lëvizjeve të fundit në këtë treg, Union Bank ka aplikuar për pranimin e transaksionit të lidhur për blerjen 100% të aksioneve të International Comercial Bank (ICB) Albania. kanë bërë me dije burime për Monitor nga Autoriteti i Konkurrencës.
Lajmi u publikua edhe nga agjencia ndërkombëtare e lajmeve, Reuters, i cili citonte si burim Bankën e Shqipërisë.
Në fund të 9 mujorit, Union Bank ishte banka e tetë më e madhe në vend në renditjen nga aktivet ne administrim dhe ka 31 degë në vend dhe 378 të punësuar. Banka ka 3.4% të totalit të aseteve, 3.7% të stokut të kredive dhe 3.5% të depozitave në vend, sipas të dhënave nga Shoqata e Bankave. Në të njëjten periudhe, Union Bank deklaroi një fitim prej 460 milionë lekësh
International Comercial Bank renditet e 14-a për sa i përket aktiveve ne administrim dhe ka 6 dege në vend dhe 94 të punësuar. Banka ka 0.7% të totalit të aseteve, 0.9% të stokut të kredive dhe 0.6% të depozitave në vend. Ne te njejten periudhe, ICB deklaroi një humbje prej 55 milionë lekësh, sipas të dhënave nga Shoqata e bankave.
Me këtë blerje pritet që Union Bank të konsolidojë pozitat në treg duke iu afruar kështu Societe Generale, Alpha Bank, ABI Bank e Tirana Bank që kanë një prezencë në treg prej rreth 5% të aseteve totale të sistemit bankar.
Te kontaktuar nga Monitor, si ICB ashtu edhe Union Bank nuk ishin disponibel per prononcim.
Ndryshimet në sistemin bankar gjate dy viteve te fundit
Sistemi bankar ka hyrë në një fazë intensive të shit-blerjeve.
Në fillim të këtij muaji u njoftua se Societe Generale ka mbyllur negociatat për të shitur 100% të aksioneve të saj te banka hungareze OPT, pasi bleu pjesën e mbetur të 11.11% të aksioneve nga sipërmarrësit vendas. Banka Societe Generale i nxori në shitje aksionet pak muaj më parë, në kuadër të një strategjie për të dalë nga rajoni, në ato vende ku nuk ishte ndër tre të parët. Banka Societe hyri në Shqipëri përmes blerjes së aksioneve të Bankës Popullore, në vitin 2007, duke shënuar një nga shitjet më të suksesshme të një banke, teksa u shit me gati katër herë mbi kapitalin.
Numri i bankave ka zbritur aktualisht në 14, pas përthithjes së Veneto Bank nga Intesa Sanpaolo dhe blerjes së NBG Bank nga ABI Bank. Pas blerjes së ICB nga Union Bank, sistemi bankar pritet të ketë 13 banka.
Të tjera shit-blerje janë në proces. Grupi Balfin, në pronësi të sipërmarrësit Samir Mane, ka hyrë në negociata me Tirana Bank, e cila kishte rreth 5.3% të aktiveve dhe rreth 4.9% te depozitave të sistemit ne Qershor 2018.
Revista MONITOR
Revista MONITOR
Elma LLoja, drejtoresha ekzekutive e FI Bank, thotë se tregjet e letrave me vlerë në Shqipëri mbetën pak të zhvilluara. Pothuaj mungesa e tregut sekondar e ka kthyer zgjidhjen e këtij problemi në një nga prioritetet për të gjithë aktorët në këtë treg.
Reforma e re, sipas saj, pikërisht krijimi i një yield-i kurbe të letrave me vlerë të qeverisë shqiptare të besueshme dhe të pranueshme nga të gjithë aktorët dhe pjesëmarrësit në këtë treg. Në një intervistë të posaçme ajo shpjegon risitë që sjell reforma në tregtimin e titujve të borxhit qeveritar
Banka e Shqipërisë ka nisur një reformë për tregun e letrave me vlerë të qeverisë. Çfarë risish do të sjellë aplikimi i saj në tregun primar dhe atë sekondar te “Bond Market”?
Me gjithë politikat e ndjekura për përmirësime në politikën monetare dhe menaxhimin e borxhit qeveritar, të lidhura këto ngushtë me përmirësimet në tregun primar të letrave me vlerë të qeverisë shqiptare në drejtim të përafrimit të tij me praktikat më të mira ndërkombëtare, përsëri tregjet e letrave me vlerë në Shqipëri mbetën pak të zhvilluara.
Pothuaj mungesa e tregut sekondar e ka kthyer zgjidhjen e këtij problemi në një nga prioritetet kryesore për të gjithë aktorët në këtë treg. Mungesa e çdo lloj informacioni për çmimet e letrave me vlerë dhe gjithashtu pamundësia për të ekzekutuar transaksione me shuma të konsiderueshme pa një kosto të madhe ka ndikuar që investitorët t’i mbajnë në HTM letrat me vlerë të blera në tregun primar.
Ajo çfarë reforma e iniciuar nga BOA, në bashkëpunim me MOF dhe WB do sjellë në tregun e letrave me vlerë në Shqipëri është pikërisht krijimi i një yield-i kurbe të letrave me vlerë të qeverisë shqiptare të besueshme dhe të pranueshme nga të gjithë aktorët dhe pjesëmarrësit në këtë treg. Një kuadër i përshtatshëm rregullativ i diktuar nga BOA do detyrojë bankat të kuotojnë çdo ditë çmime për letrat me vlerë benchmark. Bazuar në këto çmime, vetë BOA do të ndërtojë dhe publikojë një kurbë yield-esh e cila do të përdoret nga bankat dhe gjithë investitorët e tjerë për vlerësimin e letrave me vlerë që kanë nëpër portofolat e tyre, për blerje/shitje të tyre në tregun sekondar.
Ekzistenca e një yield curve dhe mundësia e burimeve të informacionit për vlerësimin e letrave me vlerë mund t’u japë siguri investitorëve për të hequr dorë nga mbajtja e letrave në portofolat e tyre deri në maturim (HTM). Është pikërisht kjo që do të ndikojë në zhvillimin e tregut sekondar ku investitorët do të mund të blejnë dhe shesin lirshëm e me një kosto të ulët. Kjo gjë do të nxisë tërheqjen e investitorëve të rinj.
Në fund të fundit, edhe MF do të përfitojë nga ekzistenca e një yield kurbë dhe çmimi më efikas i emetimeve të reja.
Çfarë përfitimesh do të kenë bankat dhe klientët?
Një nga ndryshimet kryesore të propozuara do të jetë emetimi i të ashtuquajturave benchmarks, ulja e numrit të ankandeve dhe rritja e madhësisë së emetimit. Tregu primar do të jetë shumë mirë i strukturuar dhe rregulluar, si nga pikëpamja e pjesëmarrësve nëpërmjet primary dealers, ashtu edhe nga struktura dhe madhësia e investimeve.
Përfitimi kryesor do të jetë Benchmark yield kurbë. Bankat do të jetë të detyruara të kuotojnë çdo ditë dhe BOA do të publikojë një kurbë yield-esh e cila do të përdoret nga të gjithë. Do të hiqet dorë nga transaksionet që deri më tani janë bazuar në “yield-et e ankandit me të fundit”. Çmimet do të jenë në kohë reale. Klientët do të kenë mundësi të blejnë në tregun sekondar të mirëstrukturuar, në shumën që do të duan e një çmim transparent.
A do të zgjerohen hapësirat e tregtimit për individët dhe çfarë ndryshimesh priten në lëmin e interesave?
Sigurisht do të lehtësohen. Individët do të kenë shumë më të qartë çmimin e letrave me vlerë që ata kanë në portofolat e tyre. Do të kenë mundësi të vendosin lehtësisht për shitjen e tyre në një moment të përshtatshëm. Nga ana tjetër, do të mund të zgjedhin letrën me vlerë që ju pëlqen, bazuar në një çmim transparent e nga ana tjetër, të zgjedhin midis letrave atë që ju përshtatet lidhur me jetëgjatësinë. Ata mund të ndjekin me kujdes lëvizjen e çmimeve dhe të vendosin momentin e duhur për tregtim. Ndryshimet do të bëjnë të mundur bazën ligjore dhe lehtësime për kreditim me kolateral letrat me vlerë.
Revista MONITOR
Ministria e Financave po zbaton projektin pilot për emetimin e titujve referencë nëpërmjet Zhvilluesve të Tregut (Market Makers), që kanë të drejtën ekskluzive për të blerë borxhin e qeverisë në tregun primar për obligacionin 5-vjeçar. Janë përzgjedhur vetëm pesë banka, teksa nuk merr pjesë banka e dytë më e madhe në vend, Raiffeisen Bank. Banka Qendrore pret të paktën teorikisht që ky “eksperiment” të rrisë konkurrencën në tregun primar, si dhe likuiditetin e titullit nëpërmjet zhvillimit të tregut sekondar. Priten efekte në borxhin e brendshëm, si dhe sheshimin i kurbës së yield-eve si rezultat i minimizimit të rrezikut të likuiditetit. Risitë e skemës
Blerina Hoxha
Tregu i letrave me vlerë të qeverisë është përfshirë në një reformë, e cila synon t’i bëjë më reale dhe transparente normat e interesit dhe të zhvillojë më tej tregun sekondar të borxhit të brendshëm. Teksa modeli i ri ka nisur të pilotohet për obligacionet me maturim 5-vjeçar, shihet se numri i bankave, që do të kenë të drejtën ekskluzive për të blerë borxhin e qeverisë, është pakësuar dhe disa aktorë të rëndësishëm të tregut financiar nuk kanë kërkuar të jenë blerësit primar të borxhit, si Raiffeisen Bank.
Nga 7 banka që aktualisht kanë lejen për të blerë letrat e borxhit të qeverisë në tregun primar, tanimë me reformën e re që po testohet për obligacionet 5-vjeçare do të jenë vetëm 5 banka në atë që tashmë quhet “Market Maker”, të paktën deri në fund të vitit.
Me modelin e ri, këto banka janë të “detyruara” të blejnë borxhin e qeverisë.
Elma Lloja, drejtoreshë ekzekutive në FiBank, një nga bankat që gëzon lejen për zhvillimin e tregut primar, thotë se ky model synon krijimin e një kurbe interesash të letrave me vlerë të qeverisë shqiptare të besueshme dhe të pranueshme nga të gjithë aktorët dhe pjesëmarrësit në këtë treg. Një kuadër i përshtatshëm rregullativ, i diktuar nga Banka e Shqipërisë, do të detyrojë bankat të kuptojnë çdo ditë çmime për letrat me vlerë “benchmark” (konsiderohet emetimi më i fundit i shtetit shqiptar për një maturitet të caktuar, i cili të rihapet periodikisht deri në arritjen e një madhësie të paracaktuar nga emetuesi). Bazuar në këto çmime, vetë Banka e Shqipërisë do të ndërtojë dhe publikojë një kurbë yield-esh, e cila do të përdoret nga bankat dhe gjithë investitorët e tjerë për vlerësimin e letrave me vlerë që kanë nëpër portofolat e tyre, për blerje/shitje të tyre në tregun sekondar.
Që nga 17 korriku i këtij viti, si titull referencë është përcaktuar obligacioni 5-vjeçar, interesi i të cilit publikohet çdo ditë nga Ministria e Financave dhe Banka e Shqipërisë. Aktualisht interesi referencë është 4.55%, duke shënuar rënie me 0.45 pikë përqindje që nga 17 korriku, kur nisi të testohej mënyra e re e tregtimit. Rënie në nivele të ngjashme kanë pësuar edhe interesat e letrave të tjera të borxhit, si bonot e thesarit, pasi në gjysmën e dytë të vitit, fluksi i emetimeve bie, për rrjedhojë, edhe norma e interesit.
Në rast se testimi i obligacionit 5-vjeçar, sipas formës së re të tregtimit, rezulton i suksesshëm, deri në fund të vitit do të nisë të aplikohen edhe maturimet e tjera të borxhit qeveritar. Më këtë hap qeveria synon të rrisë afatet e maturimit të borxhit 5-vjeçar, të rrallojë ankandet e emetimit dhe gjithashtu t’i bëjë normat e interesit më të parashikueshme dhe të qëndrueshme.
Ekspertët nga sektori bankar përshëndesin hapat e para të reformës, por theksojnë se duhet të zgjerohet më shumë rrethi i bankave për pjesëmarrje në tregun primar. Spiro Brumbulli, kryetar i Shoqatës së Bankave, pohoi se mënyra e re e tregtimit i bën më reale dhe transparente normat e interesit të letrave të borxhit qeveritar, por sipas tij, duhet të jenë më shumë banka pjesëmarrëse në tregun primar.
BSH: Skema e re synon të rrisë likuiditetin e titujve në tregun sekondar
Pas një përgatitjeje prej rreth një viti, në korrik 2018, Ministria e Financave dhe Ekonomisë, e asistuar nga Banka Botërore dhe në bashkëpunim me Bankën e Shqipërisë, futi në zbatim projektin pilot për emetimin e titujve referencë nëpërmjet Zhvilluesve të Tregut, (Market Makers) që kanë të drejtë ekskluzive për të blerë borxhin e qeverisë në tregun primar. Parashikimi fillestar për kohëzgjatjen e projektit pilot është 6 muaj dhe përfshin vetëm emetimet 5-vjeçare. Në një sqarim të posaçëm, Banka e Shqipërisë shpjegoi se projekti pilot është ende në fazën zhvilluese të tij dhe vlerësimet dhe përfundimet e këtij procesi do të kryhen nga të tre institucionet e përfshira në përfundim të tij.
Banka Qendrore pret të paktën teorikisht që emetimi i titujve referencë (benchmark) nëpërmjet Zhvilluesve të Tregut, të rrisë konkurrencën në tregun primar, si dhe likuiditetin e titullit nëpërmjet zhvillimit të tregut sekondar për të. Në qoftë se pritjet materializohen, efekti në borxhin e brendshëm pritet të jetë ulje e kostos së tij, që do të vijë nga dy aspektet e përgjithshme të lartpërmendura, si dhe sheshim i kurbës së yield-eve, si rezultat i minimizimit të rrezikut të likuiditetit.
Për sa i përket aksesit të individëve, institucioneve të tjera financiare që nuk janë Zhvillues Tregu apo të çdo të interesuari për të marrë pjesë në investimin në titujt referencë në tregun primar, Banka e Shqipërisë shpjegon se janë të lirë të marrin pjesë nëpërmjet Zhvilluesve të Tregut, njësoj sikundër marrin pjesë për titujt e tjerë nëpërmjet bankave të licencuara nga Autoriteti i Mbikëqyrjes Financiare.
Në rastin e emetimit të titujve referencë, ndryshimi është që numri i institucioneve financiare që e ofrojnë këtë lehtësi është 5 (pesë). Ky numër është gjykuar i mjaftueshëm për të siguruar akses të mirë të të interesuarve për investim në tregun primar. Nga ana tjetër, detyrimet që janë përcaktuar në kontratën që kanë nënshkruar Zhvilluesit e Tregut me emetuesin, nuk lejojnë abuzime me pozicionin që kanë si ndërmjetësues të kërkesave në tregun primar.
Sipas Bankës Qendrore, një tjetër aspekt pozitiv është se, në qoftë se të interesuarit për investimin në një titull të shtetit do të duhet të presin dy javë, një muaj apo tre muaj për zhvillimin e ankandit të titullit ku duan të investojnë, për titujt referencë, konkretisht për titullin 5-vjeçar, ata mund të gjejnë çmime të përditshme për blerjen e tij në tregun sekondar. Kjo vjen nga detyrimi që kanë Zhvilluesit e Tregut për të kuotuar çdo ditë çmim blerjeje/shijeje për këtë titull.
Si përfitojnë individët dhe si zhvillohet tregu sekondar
Nëse forma e re e tregtimit vijon për të gjitha maturimet, normat e interesit do të jenë ditore dhe do të ndryshojnë çdo ditë në oraret e drekës. Bankat që kanë të drejtën ekskluzive për tregun primar, publikojnë çdo ditë interesat, teksa Banka Qendrore publikon kurbën e mesatarizuar të interesave. Kështu individët, duke pasur një ecuri të përditshme të interesave dhe jo si aktualisht, që është statik nga ankandi në ankand, do të mund të vendosin të investojnë në momente të përshtatshme, pasi e kanë më të lehtë të analizojnë ecurinë afatgjatë tyre, shpjegojnë ekspertët e bankave. Deri më tani, formatet e tregtimit në tregun sekondar ishin jo të unifikuara dhe interesat jo të analizueshme. Mënyra e re nxit interesin për të investuar në tregun sekondar, nëse bankat vendosin t’i njohin këto investime edhe si kolateral për dhënien e kredive.
Ekzistenca e një yield-i kurbe dhe mundësia e burimeve të informacionit për vlerësimin e letrave me vlerë mund t’u japë siguri investitorëve për të hequr dorë nga mbajtja e letrave në portofolat e tyre deri në maturim (HTM). Pikërisht kjo do të ndikojë në zhvillimin e tregut sekondar, ku investitorët do të mund të blejnë dhe shesin lirisht e me një kosto të ulët. Kjo gjë do të nxisë tërheqjen e investitorëve të rinj.
Në fund të fundit, edhe MF do të përfitojë nga ekzistenca e një yield kurbë dhe çmimi më efikas i emetimeve të reja. Aktualisht, tregu sekondar është i vogël dhe sporadik me vëllime mujore tregtare zakonisht rreth 1 miliard lekë që korrespondojnë me rreth 3% të stokut të borxhit të brendshëm në baza vjetore. Shumica e transaksioneve të tregut sekondar janë në segmentin afatshkurtër dhe rreth 70% e volumit të tregtuar ka qenë në bonot e thesarit.
Financat: Reforma në tregtimin e titujve do të vijojë edhe më 2019
Ministria e Financave vlerëson se pilotimi i formës së re të tregtimit të obligacionit 5-vjeçar ka qenë i suksesshëm. Në vazhdim të angazhimit të ndërmarrë në lidhje me përmirësimin e mëtejshëm të tregut primar të titujve shtetërorë, si dhe hedhjen e hapave për zhvillimin e tregut sekondar, gjatë vitit 2018 është reduktuar numri i ankandeve dhe konsolidimi i shumave të shpallura me qëllim rritjen e konkurrueshmërisë në treg dhe zbatimi i projektit pilot për obligacionin 5-vjeçar referencë.
Ministria e Financave sqaron se gjatë vitit 2019 do të jetë në fokus zhvillimin e mëtejshëm të tregut të titujve shtetërorë.
Në periudhën afatmesme, mesatarisht rreth 85% e nevojave të përgjithshme për financim do të realizohen nëpërmjet burimeve të brendshme. Niveli i financimit të brendshëm në terma neto do të synohet të mbahet i qëndrueshëm, duke mos tejkaluar kapacitetet optimale të tregut (rreth 20-22 miliardë lekë në vit).
Duke qenë se normat e interesit priren të qëndrojnë ende në nivele të ulëta, financimi i brendshëm do të orientohet kryesisht në drejtim të titujve afatgjatë, me norma interesi fikse, me qëllim reduktimin e risqeve me kosto sa më të ulët. Titujt afatshkurtër kryesisht do të shërbejnë për të rifinancuar maturimin e titujve ekzistues, si dhe menaxhimin aktiv të nevojave për likuiditet.
Sipas Ministrisë së Financave, zhvillimi i mëtejshëm i tregut primar vendas dhe hedhja e hapave për zhvillimin e tregut sekondar të titujve shtetërorë është një tjetër objektiv afatmesëm, realizimi i të cilit do të shoqërohet me aktivitete, të cilat do të kenë në fokus:
2018, borxhi i brendshëm u rifinancua me 2 miliardë euro
Gjatë periudhës janar-shtator 2018, Ministria e Financave dhe Ekonomisë ka emetuar në tregun e brendshëm tituj shtetërorë në vlerën 249.3 miliardë lekë, nga të cilat 219.6 miliardë lekë kanë shërbyer për rifinancimin e titujve ekzistues dhe pjesa tjetër (29.7 miliardë lekë) për financimin e deficitit buxhetor të planifikuar për vitin 2018 dhe menaxhimin aktiv të likuiditetit. Në linjë me objektivin për reduktimin e ekspozimit ndaj risqeve, financimi neto është siguruar në masën 89.5% nëpërmjet titujve afatgjatë.
Gjatë nëntëmujorit të vitit 2018, ashtu si dhe gjatë vitit paraardhës, në përputhje me politikat menaxhuese për uljen e ekspozimit ndaj risqeve, ka vazhduar tendenca e rritjes së peshës së titujve afatgjatë (mbi 5 vjet) në portofolin e borxhit të brendshëm. Gjithashtu, pesha e titujve me norma interesi të ndryshueshme është reduktuar, pasi edhe gjatë kësaj periudhe nuk ka pasur asnjë emetim të titujve me norma interesi të ndryshueshme. Tregu primar i titujve shtetërorë gjatë nëntëmujorit të vitit 2018 është karakterizuar nga një mbulim i kënaqshëm i kërkesës së qeverisë teksa normat e interesit kanë pësuar rritje të lehtë për maturimet afatgjata.
Gjatë periudhës janar-shtator të vitit 2018, kërkesa për tituj shtetërorë ka rezultuar në vlerën 320.8 miliardë lekë, nga të cilat 213.6 miliardë lek për Bono Thesari dhe 107.2 miliardë lekë për Obligacione. Kërkesa gjatë nëntëmujorit të vitit 2018 ka qenë relativisht më e lartë se oferta e qeverisë për tituj shtetërorë duke rezultuar në një raport të përgjithshëm mbulimi prej 1.25. Gjithsej gjatë këtij nëntëmujori janë realizuar 44 ankande, nga të cilat vetëm 7 ankande nuk janë plotësuar. Gjatë periudhës janar-shtator 2018, karakteristikë ka qenë rritja e konsiderueshme e kërkesës nga individët, krahasuar me të njëjtën periudhë të një viti më parë. Rritja e kërkesës nga individët reflekton normat e interesit më të favorshme që ofrojnë titujt shtetërorë krahasuar me depozitat bankare.
Pritjet, interesat edhe për 2019 do të jenë të qëndrueshme
Ministria e Financave analizon se, referuar parashikimeve të rritjes ekonomike, si dhe deficitit buxhetor të planifikuar, niveli i borxhit publik në raport me PBB parashikohet të ulet me rreth 3.6 pikë përqindje gjatë vitit 2019. Nga pikëpamja e kompozimit të borxhit pritet të ketë një rritje në favor të borxhit të denominuar në monedhë vendase dhe atij afatgjatë në portofolin e borxhit të brendshëm. Huamarrja e brendshme do të realizohet nëpërmjet titujve shtetërorë në përputhje me kapacitete e kërkesës, ndërkohë që financimi i huaj do të realizohet nëpërmjet disbursimit të huave që financojnë ecurinë e zbatimit të projekteve prioritare të qeverisë.
Normat e interesit të titujve shtetërorë pritet të jenë të qëndrueshme, të paktën deri në gjysmën e parë të vitit 2019, duke marrë në konsideratë vijimin e politikave monetare lehtësuese të Bankës së Shqipërisë, si dhe efektet që pritet të krijojnë flukset monetare hyrëse të eurobondit të emetuar në tremujorin e fundit të vitit 2018. Tendenca e normave të interesit në tregjet e huaja paraqitet më pak e qartë, për shkak të divergjencave në politikat monetare të BQE dhe Rezervës Federale. Në këto kushte, vlerësimet aktuale për vitin 2019 parashikojnë një rritje të normave të interesit, kryesisht për huamarrjen në monedhën USD dhe një qëndrueshmëri ose rritje më të moderuar për huamarrjen në monedhën euro. Në këto kushte, kostot për njësi të borxhit të brendshëm dhe atij të huaj pritet të qëndrojnë pothuajse në nivele të krahasueshme me ato të vitit 2018.
Tregu i titujve i fragmentarizuar dhe pak i aksesuseshëm
Borxhi i brendshëm i qeverisë shqiptare mbetet i fragmentuar i shpërndarë në një numër të madh serish si bono thesari, 3, 6 dhe 12-mujore dhe në obligacione, 2,3 5, 7 dhe 10-vjeçare. Në një vlerësim të posaçëm për ecurinë e tregut të titujve të borxhit qeveritar, Banka Botërore ka rekomanduar një politikë ndryshe për ta bërë më të zhdërvjellët tregun, me qëllim që ta bëjnë më likuid dhe më të aksesueshëm nga investitorët.
Banka Botërore ka cilësuar se qeveria duhet të konsiderojë përcaktimin për maturimet kryesore të letrave me vlerë me maturim 2-vjeçar, 5-vjeçar, 7-vjeçar dhe 10-vjeçar, me qëllim që në të ardhmen të shmangen emetimet në tituj më pak se një vit. Minimumi i madhësisë në ankand duhet të jetë rreth 5 miliardë lekë.
Sipas Bankës Botërore, procesi i përdorur për lëshimin e letrave me vlerë të borxhit në tregun e brendshëm do të mund të forcohet më tej duke pasur një njësi të dedikuar investuese. Kjo njësi mund të koordinojë marrëdhëniet mes investitorëve, duke mbajtur rregullisht takime me pjesëmarrësit në tregun e brendshëm, si dhe një faqe të posaçme interneti që do të shpërndajë informacione të përditësuara për letrat me vlerë.
Aktualisht, ndërveprimi me pjesëmarrësit e tregut është ad-hoc dhe kryesisht përmes telefonit. Banka Botërore këshillon se një rregull dialogu me pjesëmarrësit e tregut në të gjitha aspektet e menaxhimit të borxhit të qeverisë, do të jetë i dobishëm, pasi ofron komunikim të dyanshëm me tregun, duke shqyrtuar propozimet për zhvillimin e tregut vendas dhe përmirësimin e tij me efikasitet. Njësia kontribuon në zgjerimin e bazës së investitorëve dhe rritjen e transparencës së operacioneve të borxhit, të cilat me kalimin e kohës duhet të ulin koston e huamarrjes.
Lajmi në gjuhën angleze
Belgrade – The Regional Cooperation Council (RCC) hosted the panel: The Future of Regional Capital Markets as a partner of the 17th Conference of the Belgrade Stock Exchange ‘Upgrade in Belgrade 2018’ being held in Belgrade today.
Development and networking of capital markets in the region is part of the Berlin process which created a new momentum for cooperation in the Western Balkans in key economic areas: trade, investments, both direct and financial, mobility of workforce and digital integration of the region.
“The Berlin process aspires to facilitate free flow of goods, capital, skilled workforce and communications in the region, which is also the focus of the RCC’s activities in this process. Together with the region’s governments, we are working to negotiate the Mutual Recognition Agreement for professional qualifications in construction and health sectors, thus facilitating unhindered work for our experts throughout the region. Furthermore, we continue working on reducing the roaming charges to the benefit of all users of mobile telephony in the region, and we have adopted and are currently working on implementing reforms regarding harmonisation of investment legislation with that of the EU and promoting the region as a single economic destination. The idea behind this joint investment agenda is to improve doing business opportunities and attract more direct investment into the region; and in order to round up the investments, which include both direct and financial investments while facilitating access to finances, we provided a concrete proposal for cooperation of stock exchanges in the Western Balkans region,” said Goran Svilanovic, RCC Secretary General.
“To attract more investments, Western Balkans economies need to develop financial markets which can enable capital investments in private sector, not only by healthy banking sector but also through well-regulated exchange of securities, venture capital and alternative financial sources. It is also necessary to improve legislation on capital markets, in particular in the part related to protection of investors, and adopt regulations on managing alternative investment funds and other financial instruments, such as the laws related to factoring.”
Addressing the panel with Secretary General Svilanovic were also Ivan Steriev, CEO, Stock Exchange of The Former Yugoslav Republic of Macedonia; Gojko Maksimovic, CEO, Montenegro Stock Exchange; and Sinisa Krneta, CEO, Belgrade Stock Exchange.
In addition to reviewing the current macroeconomic trends and future of capital markets in the region, this year’s Conference focuses in particular on alternative investment approaches and possibilities of applying new technologies in this area. The 8th Regional Investors Conference is traditionally held alongside the Conference of the Belgrade Stock Exchange.
17th Belgrade Stock Exchange Conference gathers several hundreds of participants, including local and foreign investors, bankers, financial intermediaries, representatives of institutions, local and international companies, media, etc.
In response to economic issues and needs of the region, Regional Cooperation Council (RCC), together with governments in the region, is implementing Multi-annual Action Plan (MAP) on a Regional Economic Area (REA) in the Western Balkans. RCC is also tasked to regularly report about the progress made in MAP REA implementation to the region’s prime ministers at annual summits of Western Balkans leaders.
Gazeta Monitor
Kanë marrë sërish një kthesë tjetër negociatat për shitjen e bankës me shumicë kapital francez, Societe Generale. Pasi aksionerët vendas, që kishin 11.11% të aksioneve të Societe shprehën pak javë më parë interesin e parablerjes së bankës, që ishte në negociata me hungarezët e OTP-së, aksionerët francezë kanë bërë lëvizjen e radhës. Monitor ka mësuar se Societe Generale ka rënë dakord me sipërmarrësit vendas, aksionerë në minorancë, që t’u blejë atyre pjesën e aksioneve, duke u bërë pronare 100% e bankës. Çmimi i shitjes nuk është bërë i ditur. 11.11% të aksioneve zotërohen nga Vasil Naçi, që është më i madhi vendas, me 4.53% të aksioneve; Kosta Sotiri- 2.06; Kristo Naçi-2.07; Behar Male-0.67%; Guxim Resuli-0.9%; Lefter Sota e Vladimir Kosta me nga 0.44% secili.
Kjo lëvizje i hap rrugën Societe që të rifillojë negociatat me hungarezët e OTP-së. Në fillim të gushtit, Société Générale njoftoi se kishte hyrë në marrëveshje për të shitur paketën e saj kontrolluese të aksioneve në Société Générale Albania (SGAL) tek hungarezët e OTP Bank për një shumë prej 32.5 milionë euro, për 88.89% të aksioneve. Banka Societe Generale i nxori në shitje aksionet pak muaj më parë, në kuadër të një strategjie për të dalë nga rajoni, në ato vende ku nuk ishte ndër tre të parët.
Banka Societe hyri në Shqipëri përmes blerjes së aksioneve të Bankës Popullore, në vitin 2007, duke shënuar një nga shitjet më të suksesshme të një banke, teksa u shit me gati katër herë mbi kapitalin. Banka Popullore ishte një investim i 32 sipërmarrësve shqiptarë, e hapur në vitin 2004. (Ardian Avdalli, Arben Dervishaj, Adrian Doçi, Arben Meçaj, Avni Ponari, Bledar Elezi, Behar Male, Daniel Gjoni, Dritan Çelaj, Advin Libohova, Faik Bruçi, Genci Kushta, Guxim Resuli, Ibrahim Aksoy, Josif Kote, Koço Kokedhima, Kristo Naçi Kosta Sotiri, Lefter Sota, Llazar angjeli, Qemal Disha, shpresa Prodani, Virjon Lalollari, Vasil Naçi, Ylli Braka, Zenel Tafaj, Ahilea Papuçi, Bardhyl Kellezi, Jovan Bojdani, Leonard Terpo, Vladimir Kosta, Fidel Ylli). Pjesa më e madhe e aksionerëve hoqën dorë tërësisht nga aksionet dhe vetëm disa prej tyre mbajtën një minorancë në 2007-n, kur u realizua shitja tek Societe.
Në fund të 6-mujorit të dytë 2018, Societe Generale ishte banka e pestë më e madhe në vend, me 5.9% të totalit të aseteve. Banka ka 8.9% të stokut të kredive dhe 5.9% të depozitave, sipas të dhënave nga Shoqata e Bankave. Për 6-mujorin, Societe deklaroi një fitim prej 326 milionë lekësh. Banka ka 426 punonjës.
Sistemi bankar ka hyrë në një fazë të ethshme të shit-blerjeve. Numri i bankave ka zbritur aktualisht në 14, pas përthuthjes së Veneto bank nga Intesa Sanpaolo dhe blerjes së NBG Bank nga ABI Bank. Grupi Balfin, në pronësi të sipërmarrësit Samir Mane, ka hyrë në negociata me Tirana Bank, që ka 5.3% të aktiveve të sistemit. Të tjera banka janë gjithashtu në negociata për shitje.
Ndryshe nga Banka Popullore, që u shit gati 4 herë mbi kapitalin, çmimi i shitjes së bankave sot është dukshëm më i ulët, në 0.5-0.8 herë mbi kapitalin, nga 1.5 herë që është mesatarja e transaksioneve në rajon. Çmimi relativisht i lirë po nxit dhe sipërmarrësit vendas që të hyjnë në sistemin bankar.
