Shqip

Bursa Shqiptare e Titujve ALSE ka kënaqësinë t’ju njoftojë mbi publikimin e Raportit Statistikor 3-mujor për periudhën Korrik – Shtator 2019 (T3-2019).

Për informacion më të detajuar rreth raportit, ju lutem klikoni këtu

Gjatë datës 08.10.2019 në Bursën Shqiptare të Titujve ALSE rezultuan këto të dhëna:

• U ekzekutua 1 transaksion në 1 titull;
• Transaksioni u ekzekutua jashtë orarit zyrtar të Bursës (of-exchange);
• Transaksioni i ekzekutuar ishte ne Obligacion Thesari 10 Vjecar;
• U tregtuan gjithsej një numër prej 58 njësi Obligacion Thesari 10;
• Vlera e tregtimit në Obligacion Thesari 10 Vjecar ishte 6,056,940 LEK;

Për informacion statistikor më të detajuar në lidhje me raportimin e tregtimit të datës 08.10.2019 klikoni

këtu

Për më shumë informacion rreth Raportit Statistikor të muajit Shtator 2019 klikoni këtu

Në kuadër të Javës Botërore të Investitorit (30 shtator 2019 – 6 tetor 2019) të lancuar për herë të parë në vitin 2017 nga Organizata Ndërkombëtare e Rregullatorëve të Letrave me Vlerë (IOSCO), Autoriteti i Mbikëqyrjes Financiare (AMF), si anëtarë i kësaj organizate, në bashkëpunim me Bursën Shqiptare të Titujve ALSE dhe shoqata të tjera që operojnë në fushën e investimeve, kanë organizuar një sërë aktivitetesh.

Në këtë javë të rëndësishme të fokusuar tek Investiori, aktivitet e organizuara kanë patur si qëllim ndërgjegjësimin dhe informimin e investitorëve në lidhje me tregun e kapitalit, fondet e investimeve dhe pensionet private. Fokus të veçantë ka pasur edukimi i qytetarëve në lidhje me mundësitë që ofron tregu financiar jo-bankar për të vlerësuar apo diversifikuar në mënyrë më efikase kursimet e tyre. Gjithashtu, një vend të rëndësishëm në këto aktivitete mori edhe puna e palodhur që po bën AMF në drejtim të mbrojtjes së konsumatorëve nga risqet apo abuzimet e mundshme në tregun financiar.

Java e dedikuar Investitorit nisi me zhvillimin e një workshop-i pranë Dhomës së Tregtisë dhe industrisë Tiranë dhe pasoi me një sërë orësh të hapura në auditore të fakulteteve të Ekonomise dhe të shkollave të mesme të vendit. Përfaqësuesit e AMF së bashku me ekspertët e fushës ishin prezentë në emisione mediatike dhe studio televizionesh me shikueshmëri të lartë për të rritur sensibilizimin në kuadër të kësaj nisme.

Për më shumë informacione mbi këto aktivitete ju lutem klikoni ne linqet e mëposhtme:

Bursa Shqiptare e Titujve ALSE

Z. Artan Gjergji – Paratë dhe kapitali nuk gjenden vetëm në bankat tregtare

Z. Artan Gjergji dhe Z. Blodin Çuçi – Pse nuk i investojmë kursimet në bursë, Ekspertët japin arsyet

Z. Artan Gjegji dhe Z. Blodin Çuçi – Java Boterore e Investitorit

Autoriteti i Mbikeqyrjes Financiare

Z.Ervin Koci – Zhvillimi i tregjeve te kapitalit

Z.Niko Kotonika – Java e investitorit, AMF: Nismat tona ligjore, në përputhje me direktivat e BE

Zj. Ornela Kullolli – Java globale e investitorit

Z. Ervin Koci – Keni Kursime? Alternativat ku mund të investoni

Gjatë datës 01.10.2019 në Bursën Shqiptare të Titujve ALSE rezultuan këto të dhëna:

• U ekzekutua 1 transaksion ne 1 titull;
• Transaksioni u ekzekutua gjatë orarit zyrtar të Bursës (on-exchange);
• Transaksioni i ekzekutuar ishte ne Bono Thesari 12 Mujore;
• U tregtuan gjithsej një numër prej 155 njësi Bono Thesari 12 Mujore;
• Vlera e tregtimit në Bono Thesari 12 Mujore 1,539,770 LEK;

Për informacion statistikor më të detajuar në lidhje me raportimin e tregtimit të datës 01.10.2019 klikoni

këtu

Sot me datë 30.09.2019, është zhvilluar workshopi i organizuar nga Autoriteti i Mbikëqyrjes Financiare në bashkëpunim me bursën ALSE, Shoqata e Tregtimit të Titujve në Shqipëri si dhe në prani të përfaqësuesve të Dhomës së Tregtisë dhe Industrisë Tiranë në kuadër të “Javës Botërore të Investitorit”.

Ervin Koci, Drejtori Ekzekutiv i Autoritetit të Mikëqyrjes Financiare, u shpreh se është mjaft i volitshëm përdorimi i Bursës nga bizneset si një mundësi për të siguruar financime si dhe për të diversifikuar strukturën e aseteve likuide që ato zotërojnë. Më tej, Z. Nikolin Jaka, Kryetar i Dhomës së Tregtisë dhe Industrisë Tiranë, shprehu rëndësinë e intrumentave të kapitalit dhe bursës në zhvillimin e mëtejshëm të biznesit Shqiptar.

Gjithashtu aktorët e Tregut të Kapitalit të pranishëm në këtë workshop njohen pjesmarrësit me avantazhet që sjell zhvillimi i tregjeve të kapitalit dhe bursës. Z. Blodin Cuci, President i Shoqatës së Tregtimit të Titujve në Shqipëri, prezantoi në terma teknikë përfitimet që bizneset marrin duke investuar në instrumenta të borxhit (si privat ashtu dhe shtetëror) si dhe njohu të pranishmit me disa koncepte mjaft të rëndesishme në fushën e investimit sic është ai i Menaxhimit të Parasë (Cash Management).

Nga ana tjetër, Z. Artan Gjergji, Drejtor Ekzekutiv i Bursës Shqiptare të Titujve ALSE, shpjegoi rëndësinë e zhvillimit të bursës si edhe avantazhet që bizneset kanë duke u listuar në bursë. Sipas Z. Gjergji bursa u ofron bizneseve likuiditet dhe gjithashtu u siguron fonde më lirë se metodat tradicionale të financimit.

Në përfundim të këtij workshopi, Z. Naim Hasa, Kryetar i Shoqatës Sigurimit të Jetës, Pensioneve dhe Fondeve të Investimit, bëri një prezantim për zhvillimin e tregjeve të fondeve të pensionve dhe investimeve në Shqipëri. Z. Hasa u shpreh se është mjaft e rëndësishme që individët duhet të njihen më gjerësisht me këto skema investimi pasi kanë mjaft përfitime në periudhën afatgjatë.

Gjatë datës 26.09.2019 në Bursën Shqiptare të Titujve ALSE rezultuan këto të dhëna:

• U ekzekutuan 2 transaksione ne 2 tituj;
• Transaksionet u ekzekutuan gjatë orarit zyrtar të Bursës (on-exchange);
• Transaksionet e ekzekutuara ishin ne Obligacion Thesari 10 Vjecar dhe Bono Thesari 12 Mujore;
• U tregtuan gjithsej një numër prej 500 njësi Obligacion Thesari 10 Vjecar dhe 6 njësi Bono Thesari 12 Mujore;
• Vlera e tregtimit në Obligacion Thesari 10 Vjecar ishte 53,150,000 LEK dhe ne Bono Thesari 12 Mujore 59,760 LEK;

Për informacion statistikor më të detajuar në lidhje me raportimin e tregtimit të datës 26.09.2019 klikoni

këtu

Rrjeti Shqiptar për Edukimin Financiar ANFE zhvilloi ditën e sotme mbledhjen e saj të rradhës në kuadër të zhvillimit të edukimit financiar. Fokusi i këtij takimi lidhej me eventet, nismat dhe projektet që do të zhillohen gjatë Javës Botërore të Investimeve 2019.
Në këtë mbledhje u diskutua mbi pjesëmarrjen e ANFE në aktivitetin që do të zhvillohet nga Autroriteti i Mbikëqyrjes Financiare gjatë Javës Botërore të Investimeve 2019 si dhe mbi nismën “Le të flasim gjuhën tuaj/Letrat me Vlerë”. Nisëm kjo e ngritur nga Junior Achievement Albania në bashkëpunim me Shoqatën e Tregtimit të Titujve në Shqipëri (ASTA), cila synon të angazhoj nxënësit e shkollave të mesme në hartimin e një manuali promocional me termat dhe koncepte themelore në fushën e investimeve dhe sipërmarrjes në një gjuhë të thjeshtuar.