Për më shumë informacion rreth Raportit Statistikor të muajit Nëntor 2019 klikoni këtu
Gjatë datës 03.12.2019 në Bursën Shqiptare të Titujve ALSE rezultuan këto të dhëna:
- U ekzekutua 1 transaksion ne 1 titull;
- Transaksioni u ekzekutua jashtë orarit zyrtar të Bursës (of-exchange);
- Transaksioni i ekzekutuar ishte në Obligacion Thesari 10 Vjecar;
- U tregtuan gjithsej një numër prej 7 njësi Obligacion Thesari 10 Vjecar;
- Vlera e tregtimit në Obligacion Thesari 10 Vjecar ishte 717,220 LEK;
Për informacion statistikor më të detajuar në lidhje me të dhënat e tregtimit të datës 03.12.2019 klikoni
Gjatë datës 20.11.2019 në Bursën Shqiptare të Titujve ALSE rezultuan këto të dhëna:
- U ekzekutua 1 transaksion ne 1 titull;
- Transaksioni u ekzekutua jashtë orarit zyrtar të Bursës (of-exchange);
- Transaksioni i ekzekutuar ishte në Bono Thesari 12 Mujore;
- U tregtuan gjithsej një numër prej 80 njësi Bono Thesari 12 Mujore;
- Vlera e tregtimit në Bono Thesari 12 Mujore ishte 796,480 LEK;
Për informacion statistikor më të detajuar në lidhje me të dhënat e tregtimit të datës 20.11.2019 klikoni
Më datë 13.11.2019, nën kujdesin e Bursës Shqiptare të Titujve ALSE u organizua mbledhja e 7-të e Rrjetit Shqiptar për Edukimin Financiar (ANFE). ANFE është një organizëm i krijuar më 29.06.2018 e cila ka në qendër të aktivitetit të saj edukimin financiar, promovimin e tregjeve, produkteve dhe shërbimeve financiare. Pjestarët e kësaj organizate janë institucione mjaft të rëndësishme në fushën financiare si: Shoqata Shqiptare e Bankave, Shoqata e Siguruesve të Shqipërisë, Bursa Shqiptare e Titujve ALSE, Shoqata Shqiptare e Mikrofinancës, Junior Achievement of Albania, Shoqata e Tregtimit të Titujve në Shqipëri (ASTA), Shoqata Sigurimit të Jetës, Pensioneve dhe Fondeve të Investimit, Partnerët Shqipëri për Ndryshim dhe Zhvillim, Shërbimi Kombëtar për Rininë. Ndërkohë që Autoriteti i Mbikëqyrjes Financiare ka një status vëzhguesi në takimet e mbledhjes së ANFE.
Në fillim të kësaj mbledhje Shoqata Shqiptare e Mikrofinancës informoi pjesmarrësit rreth një studimi të kryer prej tyre lidhur me nivelin e edukimit financiar për produktet dhe shërbimet financiare të klientëve të mikrofinancës. Më tej Junior Achievement of Albania (JAA) informoi pjesmarrësit rreth projekteve të saj më të fundit të cilat po i organizon në bashkëpunim me Bursën ALSE dhe Shoqatën ASTA në disa prej shkollave të mesme publike dhe jo publike në vend, të cilat kanë në fokus rritjen e sensibilizimit të këtyre target grupeve në lidhje me shërbimet financiare. Përfaqësuesit e Shoqatës se Sigurimit të Jetës, Pensioneve dhe Fondeve të Investimit informuan pjesmarrësit në lidhje me zhvillimin më të fundit dhe risitë e kësaj industrie që u prezantuan në Tiranë në konferencën ndërkombëtare të organizuar nga OECD dhe Shoqata Ndërkombëtare e Fondeve të Pensioneve (IOPS) në bashkëpunim me Autoritetin e Mbikëqyrjes Financiare në muajin Nëntor 2019. Më tej Drejtori Ekzekutiv i Bursës Shqiptare të Titujve ALSE, informoi të pranishmit rreth licencimit nga Banka e Shqipërisë së Rregjistrit Shqiptar të Titujve ALREG si operator pagesash për transaksionet në bursë duke evidentuar faktin që tashmë nuk ekziston asnjë pengesë teknike për procesin e tregtimit-klerimit-shlyerjes së titujve të emetuara nga biznesi në Republikën e Shqipërisë. Në vijim Shoqata Shqiptare e Bankave informoi pjesmarrësit në lidhje me aktivitetet e organizuara nga Banka e Shqipërisë dhe bankat e nivelit të dytë në kuadër të “Javës Ndërkombëtare të Kursimeve”.
Në mbyllje, të gjithë organizatat dhe institucionet anëtare të ANFE ranë dakort për rritjen e prezencës së tyre në media si dhe në rrjetet sociale duke qenë sa më pranë konsumatorëve me informacione publike që rrisin sensibilitetin dhe nivelin e edukimit financiar.
Gjatë datës 14.11.2019 në Bursën Shqiptare të Titujve ALSE rezultuan këto të dhëna:
- U ekzekutua 1 transaksion ne 1 titull;
- Transaksioni u ekzekutua gjatë orarit zyrtar të Bursës (on-exchange);
- Transaksioni i ekzekutuar ishte në Bono Thesari 12 Mujore;
- U tregtuan gjithsej një numër prej 84 njësi Bono Thesari 12 Mujore;
- Vlera e tregtimit në Bono Thesari 12 Mujore ishte 832,524 LEK;
Për informacion statistikor më të detajuar në lidhje me të dhënat e tregtimit të datës 14.11.2019 klikoni
Gjatë datës 12.11.2019 në Bursën Shqiptare të Titujve ALSE rezultuan këto të dhëna:
- U ekzekutua 1 transaksion ne 1 titull;
- Transaksioni u ekzekutua jashtë orarit zyrtar të Bursës (of-exchange);
- Transaksioni i ekzekutuar ishte në Obligacion Thesari 10 Vjecar;
- U tregtuan gjithsej një numër prej 700 njësi Obligacion Thesari 10 Vjecar;
- Vlera e tregtimit në Obligacion Thesari 10 Vjecar ishte 73,080,000 LEK;
Për informacion statistikor më të detajuar në lidhje me të dhënat e tregtimit të datës 12.11.2019 klikoni
Kompania ALREG është licencuar nga Banka e Shqipërisë si operator i sistemit për shlyerjen e titujve. Ky licencim i hap përfundimisht rrugën listimit të kompanive private në Bursën Shqiptare të Titujve, ALSE. Regjistri është një hallkë e domosodshme për funksionimin e tregut të titujve, sepse aty administrohen të dhënat dhe të drejtat e pronësisë mbi to.
ALREG ishte licencuar si regjistër titujsh nga Autoriteti i Mbikëqyrjes Financiare në muajin janar të këtij vitit. Por, për të kryer plotësisht funksionin e vet në shërbim të tregtimit të titujve, nevojitej edhe një licencë nga banka qendrore për të vepruar si operator pagesash. Përmes këtij funksioni, ALREG do të kryejë në mënyrë të njëkohshme transferimin e të drejtës së pronësisë mbi titujt e tregtuar dhe kryerjen e pagesës nga blerësi për te shitësi.
Bursa Shqiptare e Titujve ALSE, nisi aktivitetin në shkurt të vitit të kaluar, me tregtimin e bonove dhe obligacioneve të qeverisë shqiptare. Që nga shkurti i këtij viti, ajo është ligjërisht e licencuar edhe për të tregtuar titujt e kompanive private.
Licencimi i plotë i ALREG mundëson tashmë që Bursa të mund të kryejë edhe në praktikë një tregtim të tillë.
Vitet e fundit, potencialet për zhvillimin e bursës në Shqipëri janë në rritje. Disa kompani, kryesisht brenda sektorit financiar, kanë aplikuar me sukses emetimin e obligacioneve me ofertë private. Hapja e Bursës do të mundësojë që obligacionet, por eventualisht edhe aksionet e reja të shoqërive tregtare, të emetohen edhe me ofertë publike. Oferta publike do të mundësojë kuotimin e një çmimi më të drejtë emetimi dhe tregtimin e vazhdueshëm dytësor të këtyre titujve.
Bursa do t’iu mundësojë gjithashtu bizneseve rritjen e kapitalit përmes emetimit të aksioneve të reja. Për publikun e gjerë, titujt e kompanive private krijojnë alternativa të reja dhe kthime më të larta nga investimi.
Për më shumë informacion rreth Raportit Statistikor të muajit Tetor 2019 klikoni këtu
Flet Maryam Salim, Përfaqësuesja e Përhershme e Bankës Botërore në Shqipëri
Shqipëria u rendit në vendin e 82-të në raportin e fundit të Bankës Botërore “Të bësh biznes 2020”, duke zbritur me 19 vende në krahasim me vitin e mëparshëm.
Maryam Salim, Përfaqësuesja e Përhershme e Bankës Botërore në Shqipëri, pohon në një intervistë për “Monitor” se ndikim në këtë përkeqësim ka dhënë rishikimi i të dhënave nga viti i kaluar, ndryshimi i metodologjisë për mbrojtjen e investitorëve të vegjël, mospasja e një burse, si dhe fakti që vendet e tjera kanë ecur më shumë në përmirësimin e mjedisit rregullator për bizneset. Në kahun e kundërt, Shqipëria renditet mirë në “fillimin e një biznesi”, “tregtimin përtej kufijve”, “zgjidhjen e falimentimit” dhe “marrjen e kredisë”.
Ministrja e Financave përmendi faktin se disa ndryshime në metodologji për disa tregues kanë ndikuar në rezultatet e Shqipërisë në raportin e “Të bësh biznes 2020”. Cilat janë ndryshimet kryesore metodologjike në raport?
Disa rishikime të të dhënave nga viti i kaluar, përmirësimet në mjedisin rregullator të biznesit në ekonomitë e tjera dhe një fokus i ripërtërirë në qeverisjen e korporatave për kompanitë e listuara në grup-indikatorët e mbrojtjes së investitorëve të vegjël kanë ndikuar në renditjen e Shqipërisë. Sipas këtij indikatori, nëse vendi nuk ka një bursë aktive me të paktën 10 kompani të listuara joshtetërore, nuk jepet asnjë pikë.
Sa e ka ndikuar kjo renditjen e Shqipërisë?
Ndryshimet në treguesin për mbrojtjen e investitorëve të vegjël kanë ndikuar negativisht në renditjen e Shqipërisë.
Sa penalizohet Shqipëria në renditje nga mungesa e një tregu kapitali funksional?
Tregjet e kapitalit mund të luajnë një rol të fortë në rritjen ekonomike, duke mobilizuar kursimet dhe duke kanalizuar financat afatshkurtra dhe afatgjata nga investitorë të ndryshëm tek emetues të ndryshëm. Ato mund të promovojnë transparencë, duke ofruar informacione mbi cilësinë e kredisë së firmave dhe vlerën e tregut. Ato gjithashtu luajnë një rol në rritjen e qëndrueshmërisë së një sistemi financiar. Duke pasur parasysh këto përfitime, zhvillimi i tregjeve lokale të kapitalit është pjesë e axhendës së reformës së sektorit financiar në Shqipëri.
Ngritja e bursës dhe të pasurit e kompanive të listuara joshtetërore nuk duhet të jetë përparësia më e madhe. Rekomandohet një qasje më e gjerë. Vendet, veçanërisht ato të vogla, duhet të përqendrohen në përmbushjen e parakushteve themelore makro, zhvillimin e bazës institucionale për investitorët, krijimin e një mjedisi biznesi mbështetës dhe transparent që u mundëson kompanive rritje, si dhe zhvillimin e tregut të borxhit qeveritar.
Si e shpjegoni që Shqipëria renditet gjithnjë në fund të Europës dhe rajonit?
Raporti “Të bërit biznes” siguron renditjen e shteteve për 10 tregues të ndryshëm. Në disa raste, Shqipëria ka ecur më mirë sesa mesatarja e rajonit të Ballkanit Perëndimor dhe/ose vendeve në Europë dhe të Azisë Qendrore. Për shembull, për indikatorin e “fillimit të një biznesi”, Shqipëria renditet në vendin e 53-të, dhe vetëm Kosova nga vendet e Ballkanit Perëndimor ka një renditje më të mirë, ndërsa renditja mesatare për Europën dhe Azinë Qendrore është 57. Po kështu, Shqipëria është renditur mirë për treguesit “tregtimi përtej kufijve”, “zgjidhja e falimentimit” dhe “marrja e kredisë”. Rezultatet e ulëta në treguesit e tjerë penalizojnë rezultatin e agreguar për vendin në raportin e “Të bërit biznes”.
Lejet e ndërtimit janë rritur ndjeshëm në dy vitet e fundit, megjithatë Shqipëria renditet nga fundi për këtë tregues. Pse ndodh kjo?
Disa vite më parë, qeveria ndërmori reforma të rëndësishme në përmirësimin e planifikimit urban, thjeshtimin e procesit të aplikimit për marrjen e lejeve të ndërtimit dhe mundësinë e regjistrimit në internet. Megjithatë, duhen më shumë përpjekje për të ulur numrin e procedurave dhe për të shkurtuar kohën për të marrë lejet e ndërtimit.
Çfarë duhet të bëjë qeveria shqiptare për të përmirësuar pozicionin në raportin e “Të bërit biznes”?
Reformat në fushat e mbuluara nga treguesit e raportit e “Të bërit biznes”, ku Shqipëria nuk paraqitet mirë, do të ndihmojnë vendin të përmirësojë renditjen e tij të përgjithshme relative.
Gjatë datës 29.10.2019 në Bursën Shqiptare të Titujve ALSE rezultuan këto të dhëna:
- U ekzekutuan 2 transaksione ne 2 tituj;
- Transaksionet u ekzekutuan gjatë orarit zyrtar të Bursës (on-exchange);
- Transaksionet e ekzekutuara ishin në Obligacion Thesari 10 Vjecar dhe Bono Thesari 12 Mujore;
- U tregtuan gjithsej një numër prej 36 njësi Obligacion Thesari 10 Vjecar dhe 4 njësi Bono Thesari 12 Mujore;
- Vlera e tregtimit në Obligacion Thesari 10 Vjecar ishte 3,823,200 LEK dhe në Bono Thesari 12 Mujore ishte 39,860 LEK;
Për informacion statistikor më të detajuar në lidhje me të dhënat e tregtimit të datës 29.10.2019 klikoni