Vendimi për moslejimin të themi “të dy bilance”, siç njihet në praktikë, bëri ndryshimin dhe krijon presion mbi shoqëritë tregtare për dokumentimin dhe pasqyrimin e saktë të veprimtarisë ekonomike dhe financiare; ai vendos rregull në marrëdhëniet subjekt-tatime dhe subjekt – bankë.
Për të lexuar artikullin e plotë në Buletinin e Bordit të Mbikëqyrjes Publike klikoni këtu.
Yield-et e bonove me maturim 12-mujor shënuan një rritje të lehtë për herë të parë që nga fillimi i muajit maj.
Të dhënat e Bankës së Shqipërisë tregojnë se bonot me maturim 12-mujor u shitën në ankandin e kësaj jave me një yield mesatar të ponderuar prej 1.51%, nga 1.45% që kishte qenë ky tregues në ankandin e mëparshëm. Ministria e Financave financoi të gjithë shumën e planifikuar prej 8.2 miliardë lekësh, ndërsa kërkesat në ankand arritën vlerën totale prej 9.7 miliardë lekësh. Pjesa e pranuar e ofertave konkurruese zbriti në 72.4%, nga 90.2% që kishte qenë në ankandin e mëparshëm.
Edhe në ankandin e bonove me maturim tremujor javën e kaluar yield-i mesatar i ponderuar shënoi një rritje shumë të lehtë në 0.99%, nga 0.96% në ankandin e mëparshëm.
Megjithë rritjen e lehtë, yield-et ngelen sërish pranë niveleve më të ulët të dy viteve të fundit.
Niveli i ulët i yield-eve tregon se mekanizmi i transmetimit të ploitikës monetare pas pandemisë në përgjithësi ka funksionuar mirë. Interesat e titujve qeveritarë janë benchmark kryesor që përdoret edhe në përcaktimin e interesave të huave afatgjatë në lekë edhe për sektorin privat. Kjo është një premisë që edhe normat e interesit të kredisë për sektorin privat të qëndrojnë të ulëta, edhe duke pasur parasysh që kostot e rrezikut duken të kontrolluara dhe raporti i kredive me probleme është në rënie të lehtë.
Banka e Shqipërisë që prej fillimit të pandemisë po injekton sasi të mëdha likuiditeti në treg ka favorizuar ruajtjen e normave të ulëta të interesit në tregjet financiare. Që prej marsit të vitit të kaluar, ajo e ka ulur normën bazë të interesit në nivelin më të ulët historik prej 0.5%, si edhe ka ndryshuar formën e zhvillimit të ankandeve të REPO-ve, duke ofruar akses në likuiditet me çmim fiks dhe sasi të pakufizuar për bankat tregtare.
Në fund të muajit prill, agregati monetar M2, që përfaqëson ofertën monetare në lekë arriti pothuajse 876 miliardë lekë, në rritje vjetore me 10%. Banka e Shqipërisë ka bërë të ditur se kjo formë e injektimit të likuiditetit do të vazhdojë të aplikohet të paktën deri në fund të tremujorit të tretë 2021, duke bërë që edhe orientimet për të ardhmen të ndihmojnë ruajtjen e normave shumë të ulëta të interesit.
Sipas Bankës së Shqipërisë, ruajtja e stimulit monetar është e domosdoshme për të mbështetur rimëkëmbjen e ekonomisë nga efektet e rënda të krizës që solli pandemia.
Sektori bankar, që është edhe financuesi kryesor i borxhit të brendshëm të qeverisë deri tani nuk ka vuajtur pasoja shqetësuese nga kriza. Pas pandemisë, depozitat janë rritur me ritme edhe më të larta, duke mbështetur rritjen e sektorit bankar dhe duke ofruar burime shtesë për të investuar në krijimin e aseteve të reja financiare, përfshirë këtu blerjen e instrumenteve të borxhit të qeverisë. Në fund të muajit, rritja vjetore e depozitave ishte afërsisht 8%.
Burimi: Revista MONITOR
Tregjet financiare janë institucione dhe mekanizma të ndërtuara dhe që funksionojnë bazuar mbi besimin që krijojnë tek përdoruesit dhe investuesit. Për këtë arsye të gjithë operatorët, si në anën e kërkesës ashtu edhe në anën e ofertës për kapitale në tregun financiar, e kanë shumë të nevojshme të gëzojnë besueshmërinë e palëve të interesuara.
Për të lexuar artikullin e plotë në Buletinin e Bordit të Mbikëqyrjes Publike klikoni këtu.
Gjatë datës 15.07.2021 në Bursën Shqiptare të Titujve ALSE rezultuan këto të dhëna:
Për informacion statistikor më të detajuar në lidhje me te dhenat e tregtimit të datës 15.07.2021 klikoni këtu
Gjatë datës 14.07.2021 në Bursën Shqiptare të Titujve ALSE rezultuan këto të dhëna:
Për informacion statistikor më të detajuar në lidhje me te dhenat e tregtimit të datës 14.07.2021 klikoni këtu
Gjatë datës 13.07.2021 në Bursën Shqiptare të Titujve ALSE rezultuan këto të dhëna:
Për informacion statistikor më të detajuar në lidhje me te dhenat e tregtimit të datës 13.07.2021 klikoni këtu
Gjatë datës 12.07.2021 në Bursën Shqiptare të Titujve ALSE rezultuan këto të dhëna:
Për informacion statistikor më të detajuar në lidhje me te dhenat e tregtimit të datës 12.07.2021 klikoni këtu
Tema “Tregu i Kapitaleve dhe listimi në Bursën Shqiptare si një alternativë financimi për korporatat” ul në të njëjtën tryezë Dhomën Amerikane të Tregtisë, Bursën Shqiptare të Titujve (ALSE) dhe Grant Thornton Anëtarët e AmCham morën informacion nëpërmjet diskutimit të ekspertëve mbi mënyrat e financimit, rolin e ndërmjetësit financiar, kriteret e listimit në Bursën Shqiptare të Titujve ALSET transparencën dhe raportimin financiar për entitetet me ndikim publik.
Për të lexuar artikullin e plotë klikoni këtu
Burimi: Revista Advantage AmCham
Bursa Shqiptare e Titujve ALSE ka kënaqësinë t’ju njoftojë mbi publikimin e Raportit Statistikor 3-mujor për periudhën Prill – Qershor 2021 (T2-2021).
Për informacion më të detajuar rreth raportit, ju lutem klikoni këtu
Qeveria shqiptare do të zhvillojë sot një ankand të ri të emetimit të obligacioneve me maturim 10- vjeçar.
Shuma e obligacioneve të nxjerra në shitje nga Ministria e Financave është 5 miliardë lekë, ndërsa kuponi indikativ (orientues) për investitorët është 5%.
Në ankandin e fundit të obligacioneve me maturim 10-vjeçar, që ishte zhvilluar në muajin janar të këtij viti, kuponi i obligacioneve 5-vjeçare kishte qenë 5.38%.
Kuponi indikativ më i ulët në raport me ankandin e fundit reflekton edhe një tendencë në rënie të mëtejshme të yield-eve të insturmenteve të borxhit të qeverisë në muajt e fundit. Pavarësisht nga kjo tendencë, obligacionet 10- vjeçare janë sot alternativa më e leverdisshme për ata investitorë që synojnë investimet afatgjata, me kthime sa më të larta.
Aktualisht, obligacionet 10-vjeçare janë alternativa më të fitimprurëse mes instrumenteve financiare në tregun vendas, nëse përjashtojmë disa obligacione të kompanive tregtare, të cilat shiten me ofertë private dhe mundësia për të investuar e publikut të gjerë është e kufizuar. Për këtë arsye, edhe interesi për të investuar në këto instrumente zakonisht është i lartë. Në ankandin e fundit të obligacioneve 10-vjeçare, nga 3.5 miliardë lekë që ishte vlera e obligacioneve të nxjerra në shitje nga Ministria e Financave, kërkesat totale të paraqitura në ankand kaluan vlerën e 6.5 miliardë lekëve.
Në rastin e obligacioneve, çdo individ mund të marrë pjesë në ankand, nëpërmjet shoqërive komisionere të licencuara nga Autoriteti i Mbikëqyrjes Financiare (AMF). Sipas udhëzimit të Ministrisë së Financave për ankandet e obligacioneve, shuma minimale e lejuar për pjesëmarrje në ankandet e obligacioneve në Lekë është 500 mijë lekë. Investitorët për shuma deri në 50 milionë lekë mund të paraqiten me kërkesa konkurruese ose jokonkurruese, por çdo kërkesë vlera e së cilës kapërcen shumën 50 milionë lekë klasifikohet si kërkesë konkurruese pavarësisht subjektit pjesëmarrës në ankand. Kërkesat jokonkurruese pranohen me yield-in mesatar të kërkesave të pranuara konkurruese.
Shuma e ofruar e obligacioneve ndahet me 20% për kërkesat jokonkurruese dhe 80% për kërkesat konkurruese. Në rast se shuma totale e kërkesave jokonkurruese nuk e plotëson masën 20%, atëherë diferenca e paplotësuar ofrohet për kërkesat konkurruese. Në rastin kur shuma totale e kërkesave jokonkurruese e kalon kufirin e përcaktuar të 20%, atëhere mbi këtë shumë zbatohet pro rata (përpjestimi). Në rast se shuma e kërkesave konkurruese të kërkuara nuk e plotëson masën 80%, atëherë diferenca e paplotësuar u ofrohet kërkesave jokonkurruese.
Sipas AMF-së, për vitin e kaluar individët realizuan blerje të obligacioneve në tregun primar për një vlerë prej 6.9 miliardë lekësh ose rreth 56 milionë eurosh. Krahasuar me një vit më parë, këto investime u rritën me 51%. /E.Shehu
Burimi: Revista Monitor
