Category: Njoftimet e ALSE

Gjatë datës 21.11.2018 në Bursën Shqiptare të Titujve ALSE u raportuan këto të dhëna:

• U raportua 1 transaksion jashtë orarit zyrtar të Bursës (off-exchange);
• Transaksioni i raportuar jashtë orarit zyrtar të tregtimit (off-exchange) u krye jashtë burse në dhe u raportua në Sistemin ETS të Bursës ALSE;
• Transaksioni i ekzekutuar jashtë burse ishte në Obligacion Thesari 10 Vjecar;
• U tregtuan gjithsej një numër prej 323 njësi Obligacione Thesari;
• Vlera tregtare e tregtimit në Obligacion Thesari ishte 39,196,050 LEK;

Për informacion statistikor më të detajuar në lidhje me raportimet e tregtimit të datës 21.11.2018 klikoni këtu

Rrjeti Shqiptar për Edukimin Financiar është një organizëm i krijuar rishtazi, i cili mbështetet nga disa institucione financiare dhe organizata përfaqësuese të operatorëve të tregut, dhe që ka në qendër të aktivitetit të tij Edukimin Financiar dhe promovimin e tregjeve, produkteve dhe shërbimeve financiare bankare dhe jo-bankare. Edukimi i publikut dhe grupeve të interesit duhet të jetë një objektiv prioritar më qëllim mundësimin e një transparence sa më të lartë dhe reduktimin e rreziqeve që shoqërojnë procesin e pjesëmarrjes aktive në tregjet financiare nga këta aktorë.

Nisur nga shkalla e lartë e zhvillimit të tregjeve financiare e shoqëruar me zhvillimin e teknologjisë së informacionit dhe inxhinierisë financiare, Edukimi Financiar është temë mjaft prioritare edhe në nivel ndërkombëtar. Një ndër këto organizma në nivel ndërkombëtar është Organizata Nderkombëtare e Rregullatorëve të Letrave me Vlerë (International Organization of Securities Commissions, IOSCO), e cila bën bashkë rregullatorët e tregut të titujve në të gjithë botën dhe njihet si diktuesi i standardeve globale të tregut të titujve. Në kuadër të punës së saj, IOSCO beson se evoluimi i vazhdueshëm i tregjeve financiare dhe i produkteve të investimeve, ka rritur nevojën e edukimit të investitorit dhe terminologjisë  financiare.

Për të lexuar të plotë Deklaratën Publike klikoni këtu

Sot më datë 20.11.2018 Bursa Shqiptare e Titujve ALSE, organizoi një takim me Brokerat dhe përfaqësues të Anëtarëve pjesëmarrës së Bursës, ku u diskutua në lidhje me:

1. Disa problematika që kanë rezultuar në lidhje me raportimin e tregtimeve pranë Bursës ALSE,
2. Marketizimi i çmimit të ndërmjetësimit nga Brokerat për transaksionet me klientët,
3. Vazhdimësia e anëtarësimit 2019 në Bursën ALSE,
4. Aplikim pranë AMF për shtesë license në tregtimin e titujve të korporatave (aksione dhe obligacione korporate).

Gjatë këtij takimi Brokerat shprehën problematikat e tyre lidhur me raportimin e dyfishtë të transaksioneve të bëra në Bursë (edhe në ALSE edhe në AMF), si dhe shprehën paqartësinë në lidhje më llojet e instrumentave financiarë që u lejohet të tregtojnë me licensat aktuale të marra nga AMF.

Për rrjedhojë Brokerat pjesëmarrës në këtë takim morën angazhimin që do të interesoheshin pranë AMF në lidhje me hapat dhe dokumentet e nevojshme për shtimin e licensës dhe në tituj të korporatave (aksione, obligacione korporative, letra tregtare, etj).

Nga ana e Bursës u kërkua që Anëtarët të pergatisnin tarifat përkatëse sa i përket shitjes së titujve në ofertë publike, pranë sporteleve të tyre.

Në fund të takimit Bursa ALSE konfirmoi dhe njëherë mbështetjen e saj për Anëtarët me qëllim zhvillimin e shëndetshëm dhe qëndrueshëm të tregut të kapitaleve në vend.

 

Gjatë datës 20.11.2018 në Bursën Shqiptare të Titujve ALSE nuk u ekzekutua asnjë tregtim.

Gjatë ditës së tregtimit të datës 15.11.2018 në Bursën Shqiptare të Titujve ALSE rezultuan këto të dhëna:

• U ekzekutua 1 transaksion në 1 titull;
• Transaksioni u ekzekutua gjatë orareve zyrtare të tregtimit (on-exchange);
• Transaksioni i ekzekutuar ishte në Obligacion Thesari 5 Vjecar;
• U tregtuan gjithsej një numër prej 500 njësi Obligacione Thesari 5 Vjecare;
• Vlera totale e tregtimit në Obligacion Thesari ishte 52,305,000 LEK;

Për informacion statistikor më të detajuar në lidhje me të dhënat e tregtimit të datës 15.11.2018 klikoni këtu

Gjatë datës 13.11.2018 në Bursën Shqiptare të Titujve ALSE u raportuan këto të dhëna:

• U raportua 1 transaksion jashtë orarit zyrtar të Bursës (off-exchange);
• Transaksioni i raportuar jashtë orarit zyrtar të tregtimit (off-exchange) u krye jashtë burse në dhe u raportua në Sistemin ETS të Bursës ALSE;
• Transaksioni i ekzekutuar jashtë burse ishte në Obligacion Thesari 5 Vjecar;
• U tregtuan gjithsej një numër prej 28 njësi Obligacione Thesari;
• Vlera tregtare e tregtimit në Obligacion Thesari ishte 2,954,000 LEK;

Për informacion statistikor më të detajuar në lidhje me raportimet e tregtimit të datës 13.11.2018 klikoni këtu.

Ditën e hënë datë 12.11.2018, Bursa Shqiptare e Titujve ALSE mori pjesë në takimin e zhvilluar nga Autoriteti i Mbikëqyrjes Financiare AMF  lidhur me fazën e dytë të projektit: “Forcimi i kapaciteteve të Autoritetit të  Mbikëqyrjes Financiare, fokusi tek zhvillimi i tregut të kapitaleve”  mbi prezantimin e draft ligjit të ri  “Për Tregun e Kapitaleve në Shqipëri”.

Gjatë këtij takimi u prezantua nga konsulentët e Bankës Botërore draft ligji i ri “Për Tregun e Kapitaleve në Shqipëri”. Ky draft ishte gjithëpërfshirës ku përmblidhte:

1. Firmat e Investimit si operatorë të Tregut të Kapitaleve
2. Funksionet e Autoritetit të Mbikëqyrjes Financiare në Tregjet e Kapitaleve
3. Mënyrën e Mbikëqyrjes së Autoritetit të Mbikëqyrjes Financiare mbi operatorët e tregut
4. Organizimin e Bursës së Titujve dhe Tregjeve të Rregulluara
5. Organizimin e Depozitarit Qëndror dhe Shtëpive të Klerimit dhe Shlyerjes
6. Përcaktimin e kushteve për emetimin në Ofertën Private dhe Publike

Në këtë diskutim së bashku me Bursën ALSE morën pjesë dhe operatorët e tjerë të tregut si Shoqëritë Komisionere, Fondet e Investimeve dhe Institucione të Mikrofinancës, duke shprehur komentet e tyre mbi këtë draft me qëllim përmirësimin e cilësisë së tij.

Ekspertët e Autoritetit të Mbikëqyrjes Financiare si dhe konsulentët e Bankës Botërore u angazhuan t’i shqyrtonin me vëmendje komentet e operatorëve të tregut dhe morën përsipër adresimin e tyre aty ku ka hapësirë dhe në përputhje me procesin e harmonizimit të legjislacionit me direktivat e Bashkimit Europian.

Ditën e sotme datë 08.11.2018 Bursa Shqiptare e Titujve ALSE zhvilloi takim me përfaqësues të Bankës Botërore në kuadër të përgatitjes nga ana e Bankës Botërore të Raportit të Observimit të Kodeve dhe Standarteve (ROSC) për Auditimin dhe Kontabilitetit, si pjesë e projektit të mbështetur nga Qendra për Reformën në Raportimin Financiar (CFRR).

Gjatë këtij takimi z.Gjergji shprehu mbështetjen e tij në nismën e ndërmarrë nga Qeveria Shqiptare lidhur me luftën kundër Evazionit Fiskal dhe Parandalimit të Pastrimit të Parave dhe Financimit të Terrorizmit. Megjithatë, me qëllim arritjen e objektivave në mënyrë më eficiente në këtë drejtim ALSE sugjeron që këto reforma nuk duhet të mbeten vetëm në nivel operacional (psh kontrolle të shpeshta të organeve tatimore apo ligj-zbatuese), por duhet të kalojnë dhe në reforma të një niveli strukturor.

Z.Gjergji u shpreh se reformimi strukturor duhet të mbështetet në tre drejtime kryesore të cilat lidhen kryesisht me:

1. Vazhdimin e bashkëpunimit të suksesshëm mes Qeverisë dhe Bankës së Shqipërisë lidhur me një zbatim më rigoroz të politikës së kreditimit të biznesit bazuar vetëm në Pasqyrat Financiare të deklaruara zyrtarisht në organet tatimore;

2. Mbështetjen dhe nxitjen e zhvillimit të tregut të kapitaleve në vend dhe Bursës Shqiptare të Titujve ALSE si një nga shtyllat kryesore që, ndër të tjera mbështesin në mënyrë të pakushtëzuar luftën kundër Evazionit Fiskal për shkak të nivelit të lartë të transparencës financiare që kërkohet në këtë treg të rregulluar.

3. Rritjen e cilësisë së të dhënave financiare dhe procesit të kontabilizimit e auditimit, proces i cili duhet të realizohet nëpërmjet:

• standardizimit të publikimeve të raporteve financiare (aktualisht në zbatim);
• ndërmarrjen e nismave për një certifikim dhe kontroll më rigoroz të profesioneve të kontabilistëve dhe audituesve ligjorë;
• mbështetjes dhe ngritjes së kompanive të vlerësimit të riskut (rating) për emetuesit që duan të listojnë titujt e tyre në Bursën Shqiptare të Titujve ALSE si dhe ;
• nxitjen dhe promovimin e zbatueshmërisë së Parimeve të Mirëqeverisjes së Korporatave (Corporate Governance Principals).

Në mbyllje z.Gjergji informoi ekspertët e Bankës Botërore në lidhje me kriteret e raportimit financiar që kërkohen aktualisht nga kuadri rregullativ i Bursës Shqiptare të Titujve ALSE para procesit të listimit (1- 2 vite pasqyra financiare sipas Standardeve Ndërkombëtare të Raportimit Financiar). Gjithashtu bazuar në kuadrin rregullativ kërkohet një raportim periodik (1 herë në vit) nga subjektet e listuara me publikimin e pasqyrave financiare  sipas Standardeve Ndërkombëtare të Raportimit Financiar në faqen zyrtare të Bursës ALSE.

Gjatë datës 08.11.2018 në Bursën Shqiptare të Titujve ALSE u raportuan këto të dhëna:

• U raportua 1 transaksion jashtë orarit zyrtar të Bursës (off-exchange);
• Transaksioni i raportuar jashtë orarit zyrtar të tregtimit (off-exchange) u krye jashtë burse në datë 07.11.2018 dhe u raportua në Sistemin ETS të Bursës ALSE me datë 08.11.2018;
• Transaksioni i ekzekutuar jashtë burse ishte në Obligacion Thesari 5 Vjecar;
• U tregtuan gjithsej një numër prej 130 Obligacione Thesari;
• Vlera tregtare e tregtimit në Obligacion Thesari ishte 13,839,800 LEK;

Për informacion statistikor më të detajuar në lidhje me raportimet e tregtimit të datës 08.11.2018 klikoni këtu.

Gjatë ditës së tregtimit të datës 06.11.2018 në Bursën Shqiptare të Titujve ALSE rezultuan këto të dhëna:

• U ekzekutuan gjithsej 2 transaksione në 2 tituj;
• Një transaksion u ekzekutua gjatë orareve zyrtare të tregtimit (on-exchange) dhe një transaksion u ekzekutua jashtë orarit zyrtar (off-exchange);
• Transaksioni i ekzekutuar në on-exchange ishte në Obligacion Thesari 2 vjecar në EUR ndërsa transaksioni i ekzekutuar në off-exchange ishte në Obligacion Thesari 2 Vjecare;
• U tregtuan gjithsej një numër prej 162 njësi nga të cilat 100 njësi ishin në Obligacione Thesari 2 vjecar në EUR dhe 62 njësi në Obligacion Thesari 2 Vjecare;
• Vlera totale e tregtimit ishte 18,734,962 LEK nga të cilat 12,512,642 LEK ne Obligacion Thesari 2 vjecar në EUR (100,350 EUR*124.69 LEK kursi këmbimit) dhe 6,222,320 LEK në Obligacion Thesari 2 vjecare;

Për informacion statistikor më të detajuar në lidhje me të dhënat e tregtimit të datës 06.11.2018 klikoni këtu