8 Korrik, 2021 Artikuj, Lajmet me te fundit

Tema “Tregu i Kapitaleve dhe listimi në Bursën Shqiptare si një alternativë financimi për korporatat” ul në të njëjtën tryezë Dhomën Amerikane të Tregtisë, Bursën Shqiptare të Titujve (ALSE) dhe Grant Thornton Anëtarët e AmCham morën informacion nëpërmjet diskutimit të ekspertëve mbi mënyrat e financimit, rolin e ndërmjetësit financiar, kriteret e listimit në Bursën Shqiptare të Titujve ALSET transparencën dhe raportimin financiar për entitetet me ndikim publik.

Për të lexuar artikullin e plotë klikoni këtu

Burimi: Revista Advantage  AmCham

6 Korrik, 2021 Lajmet me te fundit, Njoftimet e ALSE

Bursa Shqiptare e Titujve ALSE ka kënaqësinë t’ju njoftojë mbi publikimin e Raportit Statistikor 3-mujor për periudhën Prill – Qershor 2021 (T2-2021).

Për informacion më të detajuar rreth raportit, ju lutem klikoni këtu

5 Korrik, 2021 Lajme nga Emetuesit, Lajmet me te fundit

Qeveria shqiptare do të zhvillojë sot një ankand të ri të emetimit të obligacioneve me maturim 10- vjeçar.

Shuma e obligacioneve të nxjerra në shitje nga Ministria e Financave është 5 miliardë lekë, ndërsa kuponi indikativ (orientues) për investitorët është 5%.

Në ankandin e fundit të obligacioneve me maturim 10-vjeçar, që ishte zhvilluar në muajin janar të këtij viti, kuponi i obligacioneve 5-vjeçare kishte qenë 5.38%.

Kuponi indikativ më i ulët në raport me ankandin e fundit reflekton edhe një tendencë në rënie të mëtejshme të yield-eve të insturmenteve të borxhit të qeverisë në muajt e fundit. Pavarësisht nga kjo tendencë, obligacionet 10- vjeçare janë sot alternativa më e leverdisshme për ata investitorë që synojnë investimet afatgjata, me kthime sa më të larta.

Aktualisht, obligacionet 10-vjeçare janë alternativa më të fitimprurëse mes instrumenteve financiare në tregun vendas, nëse përjashtojmë disa obligacione të kompanive tregtare, të cilat shiten me ofertë private dhe mundësia për të investuar e publikut të gjerë është e kufizuar. Për këtë arsye, edhe interesi për të investuar në këto instrumente zakonisht është i lartë. Në ankandin e fundit të obligacioneve 10-vjeçare, nga 3.5 miliardë lekë që ishte vlera e obligacioneve të nxjerra në shitje nga Ministria e Financave, kërkesat totale të paraqitura në ankand kaluan vlerën e 6.5 miliardë lekëve.

Në rastin e obligacioneve, çdo individ mund të marrë pjesë në ankand, nëpërmjet shoqërive komisionere të licencuara nga Autoriteti i Mbikëqyrjes Financiare (AMF). Sipas udhëzimit të Ministrisë së Financave për ankandet e obligacioneve, shuma minimale e lejuar për pjesëmarrje në ankandet e obligacioneve në Lekë është 500 mijë lekë. Investitorët për shuma deri në 50 milionë lekë mund të paraqiten me kërkesa konkurruese ose jokonkurruese, por çdo kërkesë vlera e së cilës kapërcen shumën 50 milionë lekë klasifikohet si kërkesë konkurruese pavarësisht subjektit pjesëmarrës në ankand. Kërkesat jokonkurruese pranohen me yield-in mesatar të kërkesave të pranuara konkurruese.

Shuma e ofruar e obligacioneve ndahet me 20% për kërkesat jokonkurruese dhe 80% për kërkesat konkurruese. Në rast se shuma totale e kërkesave jokonkurruese nuk e plotëson masën 20%, atëherë diferenca e paplotësuar ofrohet për kërkesat konkurruese. Në rastin kur shuma totale e kërkesave jokonkurruese e kalon kufirin e përcaktuar të 20%, atëhere mbi këtë shumë zbatohet pro rata (përpjestimi). Në rast se shuma e kërkesave konkurruese të kërkuara nuk e plotëson masën 80%, atëherë diferenca e paplotësuar u ofrohet kërkesave jokonkurruese.

Sipas AMF-së, për vitin e kaluar individët realizuan blerje të obligacioneve në tregun primar për një vlerë prej 6.9 miliardë lekësh ose rreth 56 milionë eurosh. Krahasuar me një vit më parë, këto investime u rritën me 51%. /E.Shehu

Burimi: Revista Monitor

29 Qershor, 2021 Lajmet me te fundit, Njoftimet e ALSE

Gjatë datës 29.06.2021 në Bursën Shqiptare të Titujve ALSE rezultuan këto të dhëna:

  • U ekzekutua 1 transaksion në 1 titull;
  • Transaksioni u ekzekutua jashtë orarit zyrtar të Bursës (off-exchange);
  • Transaksioni i ekzekutuar ishte në Obligacion Thesari 10 Vjecar në LEK;
  • U tregtuan gjithsej një numër prej 24 njësi Obligacion Thesari 10 Vjecar në LEK;
  • Vlera e tregtimit në Obligacion Thesari 10 Vjecar ishte 2,545,440 LEK;

Për informacion statistikor më të detajuar në lidhje me te dhenat e tregtimit të datës 29.06.2021 klikoni këtu

24 Qershor, 2021 Lajmet me te fundit, Njoftimet e ALSE

Në kuadër të punës që po bëjmë për edukimin financiar dhe rritjen e ndërgjegjësimit publik në lidhje me tregun e kapitaleve në vend, në bashkëpunim me institucionin prestigjioz German Sparkassenstiftung Albania (DSIK Albania) dhe Shoqatën e Tregtimit të Titujve (ASTA), po organizojmë për herë të parë pjesëmarrjen e Fakulteteve Ekonomike të universiteteve shqiptare publike dhe jo-publike në konkursin ndërkombëtar me temë: “BURSA VIRTUALE E TITUJVE – Të Mësojmë rreth Tregut të Letrave me Vlerë”.

Konkursi konsiston në aksesimin e skuadrave me 3-4 studentë, në një ambjent virtual në formën e një platformë interneti të centralizuar, e cila do t’i pajisë ata me fonde virtuale (50.000 EUR) dhe do t’u japë mundësinë të aksesojnë çmimet reale të tregtimit të titujve (aksione, obligacione, fonde investimesh etj.), duke ndërtuar një portofol virtual investimesh në letra me vlerë, me qëllim maksimizimin e normës së kthimit nga investimi. Konkursi ndërkombëtar fillon në mes të muajit Shtator 2021 dhe zgjat rreth 6 javë. Në Dhjetor 2021 një juri e pavarur ndërkombëtare do të vlerësojë performancën e portofoleve virtuale dhe do të shpallë skuadrën fituese më një çmim ndërkombëtar. Gjithashtu, DSIK Albania është angazhuar për ofrimin e një çmimi të veçantë kombëtar (në Shqipëri), i cili do të shpërblejë skuadrën universitare me performancën më të lartë të investimit.

Për këtë qëllim sot më datën 24 Qershor 2021 organizatorët e këtij eventi në Shipëri ofruan një trajnim të detajuar e profesional për të gjithë studentet e universiteteve publike e jo-publike në vend të cilët do të përfshihen në këtë konkurs ndërkombëtar. Interesi karshi këtij eventi ishte i jashtëzakonshëm dhe pati një pjesëmarrje të gjerë të më shumë se 150 studentëve, të ndarë në më shumë se 50 skuadra, duke përfaqësuar rreth 15 universitete publike dhe jo-publike.

Këtë trajnim, i cili realizohet për herë të parë në vendin tonë dhe në një hapësirë kaq gjithëpërfshirëse e përshendeti edhe zj. Mimoza Kaçi, Nëndrejtore Ekzekutive e Autoritetit të Mbikëqyrjes Financiare. Në fjalën e saj zj. Kaçi e vuri theksin tek rëndësia që ka edukimi financiar për të gjitha grupmoshat, si një element që nxit në mënyrë cilësore dhe sasiore zhvillimin e tregjeve financiare e sidomos ato të tregut të kapitaleve. Më tej vijoi me punën që po bënë aktualisht Autoriteti i Mbikëqyrjes Financiare në bashkëpunim me Bankën e Shqipërisë për krijimin e një Strategjie Kombëtare të Edukimit Financiar. Gjithashu njohi të pranishmit për punën e realizuar deri më tani nga ana e Autoritetin (AMF) për përmirësimin e Kuadrit Ligjor dhe Rregullator të industrisë me përpilimin dhe miratimin e katër Ligjeve dhe Rregullatoreve mbështetëse të tyre.  Në përfundim zj. Kaçi falendroi organizatorët për këtë nismë si dhe u bëri thirrje universiteteve të jenë sa më prezent në çdo event në thelb të të cilit është rritja e ndërgjegjësismit të publikut në lidhje me tregun dhe shërbime financiare.

Më tej përaqësuesit e DSIK Albania, Bursës ALSE dhe ASTA realizuan një trajnim intensiv për studentët në thelb të të cilit ishin të përshirë informacione të detajuara në lidhje me:

  1. Rregullat, procedurat dhe çmimet e pjesëmarrjes në Konkursin Ndërkombëtar “Bursa Virtuale-Të Mësojmë për Tregun e Letrave me Vlerë”,
  2. Anën operacionale të hedhjes së Urdhrave në Platformë dhe Tregtimi i Titujve në Bursa,
  3. Krijimin e një Portofoli në Tituj dhe Menaxhimin e Aseteve
21 Qershor, 2021 Lajme nga Tregu, Lajmet me te fundit

Interesi i investitorëve për obligacionet e qeverisë shqiptare ngelet i lartë, në kërkim të përfitimeve sa më të larta në periudhën kur normat e interesit janë në nivele më të ulëta se kurrë më parë.

Sipas të dhënave nga Banka e Shqipërisë, në rihapjen e ankandit të obligacioneve 7 vjeçare që u zhvillua ditën e hënë u paraqitën kërkesa për të blerë me një vlerë totale prej afro 5.6 miliardë lekësh, nga 4.5 miliardë lekë që ishte shuma e shpallur për financim.

Në fund, Ministria e Financave vendosi të pranojë një shumë më të lartë se ajo e shpallur, për afro 4.9 miliardë lekë. Duke qenë rihapje, kuponi i obligacioneve ishte i njëjtë me atë të ankandit fillestar të zhvilluar në muajin mars, në nivelin 4.25%. Ku kupon është lehtësisht më i ulët krahasuar me nivelin 4.38% të ankandit të mëparshëm, që ishte mbajtur në shtator 2020. Megjithatë, një kthim vjetor në këto nivele duket se është tërheqës për të gjitha kategoritë e investitorëve.

Për individët që nuk kanë qëllim t’i përdorin në një afat të shpejtë kursimet e tyre këto yield-e janë ndjeshëm më të larta krahasuar me ato që ofrojnë depozitat bankare. Sipas të dhënave nga Autoriteti i Mbikëqyrjes Financiare (AMF), për tremujorin e parë të këtij viti blerjet e obligacioneve në tregun primar nga individët arritën në 2.73 miliardë lekë ose rreth 22 milionë euro. Statistikat tregojnë se investimet e individëve në këto instrumente u rritën me 25.2% krahasuar me të njëjtën periudhë të një viti më parë. Mbështetur në të dhënat e Ministrisë së Financave, individët, në mënyrë direkte apo nëpërmjet bankave, mbanin rreth 17% të stokut të borxhit të brendshëm publik në fund të muajit mars 2021. Në vlerë, kjo përkthehet në afërsisht 110 miliardë lekë.

Ndër blerësit më të interesuar të obligacioneve afatgjata janë edhe fondet e pensioneve dhe të investimit në lekë. Në mungesë të alternativave të tjera të investimit financiar në monedhën vendase, këto fonde orientohen kryesisht drejt obligacioneve me afate të gjata maturimi, me qëllim rritjen e kthimit për anëtarët e tyre. Obligacionet janë instrumenti kryesor në portofolin e fondeve të investimit në lekë, me një përqindje kundrejt totalit të aktiveve në intervalin mes 60% dhe 86%, në varësi të fondit.

Edhe për vetë bankat një normë e tillë kthimi janë mjaft të kënaqshme, duke llogaritur shkallën më të ulët të rrezikut krahasuar me kreditimin e subjekteve private. Të dhënat e paaudituara nga Shoqata Shqiptare e Bankave tregojnë se në fund të marsit 2021 portofoli i letrave me vlerë të bankave arriti vlerën e 594 miliardë lekëve, në rritje vjetore me 16%. Besohet se obligacionet e qeverisë shqiptare, përfshi këtu edhe ato në euro, kanë peshën kryesore në këtë portofol.

Investimi në obligacione ka gjithashtu avantazhin që këto instrumente janë të tregtueshme dhe zotëruesit e tyre mund t’i shesin, në momentin që kanë nevojë për likuiditetet e investuara në to. Megjithëse tregu dytësor në Shqipëri nuk është shumë i zhvilluar, sërish ai ofron mundësinë e tregtimit të këtyre instrumenteve, me kundërpalë kryesisht bankat tregtare.

Burimi: Revista Monitor

18 Qershor, 2021 Lajmet me te fundit, Njoftimet e ALSE

Gjatë datës 18.06.2021 në Bursën Shqiptare të Titujve ALSE rezultuan këto të dhëna:

  • U ekzekutua 1 transaksion në 1 titull;
  • Transaksioni u ekzekutua jashtë orarit zyrtar të Bursës (off-exchange);
  • Transaksioni i ekzekutuar ishter në Obligacion Thesari 3 Vjecar në LEK;
  • U tregtuan gjithsej një numër prej 500 njësi Obligacion Thesari 3 Vjecar në LEK;
  • Vlera e tregtimit në Obligacion Thesari 3 Vjecar ishte 50,540,000 LEK;

Për informacion statistikor më të detajuar në lidhje me te dhenat e tregtimit të datës 18.06.2021 klikoni këtu

14 Qershor, 2021 Lajmet me te fundit, Njoftimet e ALSE

Gjatë datës 14.06.2021 në Bursën Shqiptare të Titujve ALSE rezultuan këto të dhëna:

  • U ekzekutua 1 transaksion në 1 titull;
  • Transaksioni u ekzekutua jashtë orarit zyrtar të Bursës (off-exchange);
  • Transaksioni i ekzekutuar ishter në Obligacion Thesari 10 Vjecar në LEK;
  • U tregtuan gjithsej një numër prej 21 njësi Obligacion Thesari 10 Vjecar në LEK;
  • Vlera e tregtimit në Obligacion Thesari 10 Vjecar ishte 2,136,540 LEK;

Për informacion statistikor më të detajuar në lidhje me te dhenat e tregtimit të datës 14.06.2021 klikoni këtu

11 Qershor, 2021 Lajmet me te fundit, Njoftimet e ALSE

Gjatë datës 11.06.2021 në Bursën Shqiptare të Titujve ALSE rezultuan këto të dhëna:

  • U ekzekutua 1 transaksion në 1 titull;
  • Transaksioni u ekzekutua jashtë orarit zyrtar të Bursës (off-exchange);
  • Transaksioni i ekzekutuar ishter në Obligacion Thesari 10 Vjecar në LEK;
  • U tregtuan gjithsej një numër prej 92 njësi Obligacion Thesari 10 Vjecar në LEK;
  • Vlera e tregtimit në Obligacion Thesari 10 Vjecar ishte 9,824,680 LEK;

Për informacion statistikor më të detajuar në lidhje me te dhenat e tregtimit të datës 11.06.2021 klikoni këtu

Lëvizje te postimet

1 … 38 39 40 41 42 43 44 45 46 47 48 … 55