I gjithë procesi i përllogaritjes së detyrimeve financiare neto (procesi i klerimit) dhe shlyerja fundore e këtyre detyrimeve (procesi i shlyerjes) që lindin nga transaksionet në tituj — të ekzekutuara në Bursë ose jashtë saj, mes ndërmjetësve financiarë të specializuar që veprojnë për llogari të portofoleve të tyre ose të klientëve të tyre — kryhet nga institucionet financiare partnere të Bursës ALSE, të specializuara për ofrimin e këtyre shërbimeve.
Institucionet e Klerimit dhe Shlyerjes
Të gjitha transaksionet e ekzekutuara në Bursën ALSE klerohen dhe shlyhen nga institucionet përkatëse, të specializuara dhe të licensuara nga AMF.
AFISAR
AktivSistemi i menaxhuar nga Banka e Shqipërisë për klerimin dhe shlyerjen e transaksioneve në tituj.
ALREG
AktivInstitucion që realizon klerimin dhe shlyerjen e transaksioneve në tituj jo-Qeveritar.
Koha e Klerimit dhe Shlyerjes
ALSE, në bashkëpunim me institucionet kleruese, bën të pamundurën për të qenë sa më rigoroze në drejtim të mos-lejimit të dështimit të transaksioneve, pasi këto dëmtojnë integritetin e tregut dhe besimin e publikut investitor.
Parimi i Klerimit dhe Shlyerjes
Delivery versus Payment (DvP)
Procesi i klerimit dhe shlyerjes ndjek praktikat dhe standardet më të mira ndërkombëtare, me qëllim reduktimin e riskut. Parimi bazë për transaksionet e ekzekutuara në Bursën ALSE është Shpërndarja kundrejt Pagesës.