Me anë të këtij njoftimi për shtyp, Bursa Shqiptare e Titujve ALSE, njofton publikun dhe Anëtarët e saj se, bazuar në:
- Urdhërin nr. 256, datë 10.04.2020, të Ministrisë së Shëndetësisë “Për mbylljen apo kufizimin e lëvizjeve në Republikën e Shqipërisë”,
- Vendimin e Këshillit të Mbikëqyrjes së Bursa Shqiptare e Titujve ALSE me nr. 40, datë 26.03.2020, si dhe
- Njoftimit zyrtar elektronik të Depozitarit Qendror të Titujve të Qeverisë (AFISaR), i cili administrohet nga Banka Shqipërisë në lidhje me vendimin për ri-kthimin e orareve standarde zyrtare të funksionimit,
oraret e tregtimit për transaksionet në tituj, që mund të ekzekutohen në tregjet e Bursës ALSE, do të ri-kthehen në gjendjen normale të fashave standarde kohore si më poshtë vijon:
- Orari i tregtimeve vetëm gjatë ditëve zyrtare të tregtimit në bursë (E Martë dhe E Enjte)
| Fazat e Tregtimit | Oraret Standarde |
| Faza Jashtë Burse 1 | 09:00-10:00 |
| Faza Para-Tregtim | 10:00-12:00 |
| Faza Kryesore e Tregtimit | 12:00-14:00 |
| Faza Jashtë Burse 2 | 14:00-17:00 |
- Oraret e raportimit të transaksioneve të negociuara jashtë ditëve zyrtare të tregtimit në bursë, përkatësisht çdo Të Hënë, Të Mërkurë dhe Të Premte, gjatë orarit 09:00 deri në 17:00.
Këto orare do të jenë zyrtarisht të zbatueshme duke filluar nga data 15 Prill 2020.